THUPUAN 18:2 - PATHIAN LEKHABU THIANGTHO (BSI)

² Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.

THUPUAN 18:2 Referans Kwoze

THUPUAN 14:8

Chuleh, vansawlchâk panina a nung ah chun a hung kit ah, ama chun, “Thanhuaina, lungnatna uain, nam zosia dawnsak sek, Babulon khawpi chu a chim tai! A chim tai!” a tia.

JEREMIAH 51:37

tichun, Babulon chu ki’dak paikhawmna, si-alte chênna mun leh, mitin tizat leh eulau leh, kuama chênlo’na hung suak ta’n a.

JEREMIAH 51:8

Thakhatpi’n Babulon chu a pûk in, a chimtha tai; ama chu sûn tau in! A dam kit thei khâk leh, a beliam damdawi ding hun choi piak un.

THUPUAN 18:21

Chun, vansawlchâk hat tak hin suang lian tak sumhêk suang gual hi a hun la, tuisuagiat in a paitha, “Babulon khawpi lopi chu zia gual hin paithâk hi’ntin, muphâk hita pua’n ah, a tia.

THUPUAN 18:10

Chun, amanu nat thokgimna ziak ah lau in gamla tak ah ding in: “Ahei! Ahei! Babulon khaw lopi, khawpi det chu la chung a gik hi, hundan kâl khat sung ah la chung ah, vaihawmna a tung ziang in,” ti’n au.

THUPUAN 17:18

Zia numei la mu hi khawpi lopi, lei ah lalte chung ah vaihawm chu ahi,” a ti’n.

THUPUAN 17:5

A chal in, “Babulon khawpi thugûk, lei chung ah nawchizuakte leh thânghuaite nu,” ti a kizik a.

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.

ISAI 14:23

Buibawng chênna gam leh tui kidîlna mun suaksak ing ka tin; siatna munphi’n phiatnâm ding ka hi, sepai honte Lalpa‘n a tii.

THUPUAN 16:13

Zia lai tak chun dragon kam leh sahâng kam leh jawlnei lêm kam ah kipat chun, thagau buak pathum uphok tawhbang chiat a hung pawt uh ka mu.

THUPUAN 14:15

Tempul ah kipat chun vansawlchâk pakhat a hung pawt ah, sûmpi vâm chung ah kichupa kiang ah chun aw ngai tak in, “La kawite kha hun pan inla, ât ta’n; ât phat ahi tai, lei bute chu a minkuai zo tau hi,” a tia.

THUPUAN 10:3

Sakeibaknei kitom gual in aw ngai tak in a kiko ah; a kiko zaw in van-gi sagite chun a awu a sua tau a.

THUPUAN 5:2

Chun, vansawlchâk thilhithei tak khat hin aw ngai tak in, “Kua a hem zia lekhabu tepte’na hi tham ah, phêt thei ding?” tia kiko chu ka mu.

ZEPHANIAH 2:14

Zia tak ah chun bawng hon leh, gamsa chitinte kual ta’n au; gamthip simbupi leh simbuchânglit, a sûtpite ah chun chêng intiu in; a tukvan ah te chun simbu hâm intin, a In mai tual ah chun va-âk tâ ta hen; sidar thing ah In kisate chu a siat gam tâk ziakin.

JEREMIAH 25:30

Ziaziakchun, nang Jeremiah in amau dodâlna thu zia zosia hi a kiang un, zia gual hin la vagen ding ahi: Lalpa chu chung lam ah kipat in a hung kiko in, a umna thiangtho ah kipat in a aw a hun sua hi; lei chung ah chêngte zosia do dingin, kul sung ah mite do in ngai tak in hung kiko intin, grep sûk ah kikote gual in kiko in a.

THUPUAN 1:15

Chuleh, a kengte chu sum-eng kinawt val tak gual ahi’n, hâlthianna mei ah hâl thian, val sit set gual ahi; a aw chu tui tam tak luan git gual ahi.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.