THUPUAN 17:8 - PATHIAN LEKHABU THIANGTHO (BSI)

⁸ Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 17:8 Referans Kwoze

THUPUAN 17:11

Chuleh, zia sahâng um ta zet ah, um lo kit kha a pagiatna’n hung pang intin; ama chu sagite lak ah mi ma kha ahi’n, manthaina lut kit ding ahi.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

DANIAL 7:11

Kî neucha’n chapo tak ah a thugen git husa ziak ah chun ka en zing a. Ka et zing lai in, gam sahâng chu thalup in a um ta’n; a taksa chu suksiat ah um in, meikuang ah hâltum dingin a pedok tau a.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

DANIAL 11:45

Tuisuagiat tawh, tâng thiangtho mêlpha tak kikâl in a lal In puanbûk jak ta’n a. Himaleh, a tawpna chu hung tung tho tho intin, kuama’n panpi pua’n au, a hun ti tai.

DANIAL 7:26

Ziaphat chuleh, vaihawmna pat hi’ntin, a lenggam chu lâkpiak in hâltum ding leh, suksiat dik dek dingin lâkpiak hita’n a.

DANIAL 7:7

Zia nung chun, gaulam ah jan ah ka thil mu’lawk lak ah gamsa, a pali’na chu ka mu ta’n; tizat um, lau um tak leh hât mêl pu ma ma khat ahi. Thîk hâ lianpi a nei ah, a nêk tâk chu a thainêl ah, a nêkbang cheng a chuanchil tai. A masang ah gam sahâng dangte kha tawh a kibang pua’n, kî le sawmkhat a nei hi.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

SAM 69:28

A min uh chu hinna lekhabu kipat in, thaimang in um hen la; midikte lak in a min uh zik lut hi ki’hen.

DANIAL 7:3

chuleh, tuisuagiat ah kipat in, gam sahâng pali, a kibang lo ngen hung pawtdok ka mu hen.

LUKA 8:31

Amau chun kawkhûk mong bei ah sawl lut lo dingin a don tau a.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

THUPUAN 17:2

lei chung ah lalte chu ama tawh a thânghuai un, chuleh a thanhuaina uain chun lei ah lalte vâk kham in a um un,” ti in.