THUPUAN 17:10 - PATHIAN LEKHABU THIANGTHO (BSI)

¹⁰ Chuleh, lal sagite le a hiu ah, a lak ua pangate chu a pûk tau a, pakhat chu a um lai tak ahi’n, pakhat chu a hung nai puai; ama chu a hung phat leh hun chomcha sung um ding ahi.

THUPUAN 17:10 Referans Kwoze

THUPUAN 10:11

Ama’n ka kiang in, “Mi tam tak, nam tam tak, pau tam tak leh lal tam takte ma ah ka thu gen nalai ding la hi,” ei ti tai.

THUPUAN 17:11

Chuleh, zia sahâng um ta zet ah, um lo kit kha a pagiatna’n hung pang intin; ama chu sagite lak ah mi ma kha ahi’n, manthaina lut kit ding ahi.

ISAI 23:15

Zia hun ah kipat chun, lal pakhat dam sung hû, kum sawm sagi sung chu Tura hetmil in hung um ta’n a. Zia kum sawm sagi chu a bei phat chuleh, Tura chu nawchizuak chungchâng La ah kiphuak gual hin um ta’n a:

THUPUAN 13:3

Ahi’n, a luchangte lak ah pakhat chu thi’pi thei ding khop ah liam in ka mu’; himaleh, thîpi thei khop ah liam chu a hung dam ta’n; ziaphatchun, van nuai ah mite chun zia sahâng chu maksa tak in a zui tau a.

THUPUAN 13:12

Ama chunle sahâng masa zawk thilhitheina kha a nei ah, lei leh a chung ah um zosia chu thi theina hial ah liam ah hung dam kit sahâng masa kha a hosak tai.

THUPUAN 17:16

Chuleh, a kî sawm la mute leh sahâng chun nawchizuaknu chu hun muda intiu in; bangma nei lo leh ngawnchang in koi intiu in; a sa ne’n, mei ah hâl tum ta’n au.