THUPUAN 17:1 - PATHIAN LEKHABU THIANGTHO (BSI)

¹ Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

THUPUAN 17:1 Referans Kwoze

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

JEREMIAH 51:13

Nanghaw, tui tam tak lak ah chêng ah, go thil ah hausa ma ma, la hinnau gui a ta’n tâk ziakin, la tawpnau chu a tung tai.

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

THUPUAN 15:1

Van ah chun tepte’na lopi leh lamdang tak khat ka mu’n; vansawlchâk pasagi, gawtna chi sagi chawi a um un; zia gawtna chu Pathian lungnatna kichaina ahi tangal a.

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

THUPUAN 21:15

Chun, ei kihopi’pa chun, a kul kotte leh bângte haw te’na ding sana te’na tiang a nei a.

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.

LUKA 24:32

Ziaphat chun, amau chu a kiho ua, “Lampi ei holimpi ah, Pathian Lekhathu ei hun hilchian lai ah khan I lungthim uh a hal huai him hilo a hem maw?” a kitiu a.

LUKA 9:30

Thakhat in mi pani, Mosi leh Elijah tawh holim in a mu tau a.

EZEKIEL 31:4

Tuite’n a chawm hing in, a tuite chu a kiphu’na kîmvêl in a luansak ah; gamlak ah thing zosia kiang in, a luichate chu a luandaw sak hi.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 18:1

Ziazaw chun, vansawlchâk pakhat, thilhitheina nasa tak tawh van ah kipat hung suk ka mu’n, a lopina chun lei a salvâk a.

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.