THUPUAN 16:7 - PATHIAN LEKHABU THIANGTHO (BSI)

⁷ Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

THUPUAN 16:7 Referans Kwoze

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

THUPUAN 6:9

Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

ISAI 6:6

Ziaphatchun, Vansawlchâkte lak ah khat chun, châiche khat in mâichâm ah meiâm vachepdok in, ka kiang lam in a hung leng phei a.

THUPUAN 14:18

Vansawlchâk dang pakhat, mei chung ah thunei pen chu mâichâm ah kipat in a hung pawt a; ama chunle aw ngai tak in, “La kawite hiam tak kha pan inla; lei ah grep ga bawkte khu ât in; zia grep gate chu a minjun zo tau hi,” ti’n kawite hiam tak neipa kiang ah chun a hun gen a.

THUPUAN 14:10

ama chun Pathian lungnatna uain, bangma tawh hel lo, a lungnatna no ah kisung chu dawn intiu in, vansawlchâk thiangthote leh Belamno ma-âng in mei leh kât ah sukgenthei hi’n au.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.

EZEKIEL 10:7

Chuleh, cherubte lak ah pakhat in a khut a thadok ah, cherubte lak ah meiâm bang jat a hem a hun lâ, puan malngat ah kithuampa khut in a pia, ama’nle a lâk zaw in a chiadok ngal tai.

EZEKIEL 10:2

Puan malngat ah kithuampa kiang ah chun, “Cherubte kiang ah kângtalai kengte lak ah chun chia in; cherubte lak ah meiâm chu la khut dim in vaham inla, khawpi sung ah thejak in,” a hun tia. Ka et zing leh ama le a chia ngala.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.