THUPUAN 16:5 - PATHIAN LEKHABU THIANGTHO (BSI)

⁵ Ziaphatchun, tuite vansawlchâk chun: “Aw Lalpa, nangma a um tasa leh, a um lai tak leh a um kit ding chu la hi; zia tawhbang ah vai la hawm ziak hin, midik la hi.

THUPUAN 16:5 Referans Kwoze

THUPUAN 11:17

“Aw Lalpa, Pathian Bangkim hi’thei, um tasa leh um lai tak leh, hung um kit ding kiang ah chun, kipakna ka hun piau hi; la thilhitheina lopi chu la kilâk a, vaihawmna chu la chang tai.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

SAM 145:17

Lalpa chu a tawidan zosia’n a dik a, a thilbawl zosia ah mi lungsiat thei tak ahi.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

SAM 129:4

Lalpa chu a dik ah, migilote khauhual chu a ât tan tai.

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

THUPUAN 16:7

Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

ROMTE 3:5

Himaleh, eimau dik lona hin Pathian dikna chu a suklat nâk leh, bang gen ding I hitau em? Pathian phuba la sekpa chu a diklo ahi diam? (Mihing dan ah ka gen ahi.)

DANIAL 9:14

Tichun, ka chung ua thil phalo a hung tun masangsia a la entha zing hi. Lalpa ka Pathian uh vang a thilbawl zosia ah dik suak a hisiat tawh; ama aw ka la ngaisak ta paw’ngal un.

KÂ LATE 1:18

Lalpa vang a dik hi, a thupiak dodâl in ka la hel ta mai un; himaleh, ngai un, ka mipite haw, ka genthei dan hi ngaituau in; ka nungakte leh tangvalte sal in a tâng zo tau.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

THUPUAN 16:4

Chun, vansawlchâk pathumna chun a belbu chu lui ah te, tuinâk ah te a buntha ta’n: lui tui zosia chu thisan a suak tai.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.