THUPUAN 16:11 - PATHIAN LEKHABU THIANGTHO (BSI)

¹¹ Nâsa’n, thuakgim kisa maleu, van Pathian chu a gensia zawu ah; a thil hiu ah kipat lung hei a gaw diak puau hi.

THUPUAN 16:11 Referans Kwoze

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

THUPUAN 16:21

Van ah kipat in gial lian tak tak, pakhat gik dan chu talent khat bûk chu mihingte chung in a ke ta’n; zia gawtna chu a nasa ma ma ah, zia gual ah gawt ahi’nung unle mite chun Pathian a gensia nalai ui.

THUPUAN 16:2

Tichun, vansawlchâk pakhatna chu a chia ah, a belbu chu lei ah a buntha ta’n: Ziaphatchun, sahâng tepte’na neite leh a lim ho-te zosia chung in meimasia huaisia leh na tak a chu tai.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 2:21

A lungheina dingin hun chomkhat ka pia’n; himaleh, a thanhuaina kipat chun a lung a hei diak him him puai.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

SAM 136:26

Aw van Pathian kiang ah chun kipak thu gen un; a ngilneina chu kumkhua’n um ding ahi ngal a.

EZRA 7:23

Van Pathian in thu a piak taphot chu, van Pathian In â dingah phatchuam ngaina ziakin bawl in um ziang hen; achutiloleh, Lengpa leh a gamngâkte chung ah a lungnatna hung tung kha’n a.

EZRA 6:10

chutileh, van Pathian kiang in a pom tâk leh a lungdamna lam takah kithoina gimtui a lat ua, Lengpa leh a chate damtheina ding inle ei pauchap piak theina ding un.

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

NEHEMIAH 2:4

Ziaphatchun, lengpa’n ka kiang in, “Bang la dawi em leh?” ti’n ei dong a. Kei le van Pathian kiang in ka pauchap ta mai a.

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

EZRA 7:21

Keima, Lengpa Artaxerxes ma ma hin, Luipi Gâl lam ah gambung tin ah sumkolte zosia kiang in zia gual hin thu ka la puaksak tai: Thiampu Ezra, van Pathian dan thu thiampa chun a hun dot taphot chu, kin-gang tak leh a ti gual gual ah la la bawl piak ziang theina ding un,

EZRA 7:12

Leng lopi Artaxerxes in van Pathian dan lekhathiam, thiampu Ezra kiangin: Thamuanna thu chu:

2 KHANGTHU 36:23

“Persia gam ah Lengpa Kuras in zia gual hin a gen a: Van Pathian, Lalpa chun khawvel lenggam zosia hi ka khut in ei pia ta hen; ama chun Judai gam ah Jerusalem khua a In ding pakhat sadok dingin thu ei pia ta ahi. La lak ua kua kua hi ama mi la um awm? Lalpa la Pathian un hun umpi ta hen! Zia gual mi taphot chu chia to kit tau hen!” ti in.

JONAH 1:9

Ama chun, “Hebrai mi ka hi’n, Lalpa, van Pathian, tuisuagiat leh khawmual siampa ho mi ka hi,” ti’n a dawnhu tai.

2 KHANGTHU 28:22

Zia Lengpa Ahaz ma ma hi, a hung lungdon siat phat inle Lalpa lam in a ginum lo zaw sêm a;