THUPUAN 15:4 - PATHIAN LEKHABU THIANGTHO (BSI)

⁴ Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 15:4 Referans Kwoze

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

ZEKARIAH 14:16

Ziaphat chuleh, Jerusalem hun do namtin lak ah hing leh dam nalai sunte chu kumsin ah Bawkcha Kût mang ding leh Lalpen, sepai honte Lalpa chibai bûk dingin chia to zing ta’n au.

ISAI 25:3

Ziaziakchun, mihatte chun hun chawihoi intiu in, nam huham takte khawpi chun, hun ki’cha ta’n a.

ISAI 45:23

“Khûp zosia ka ma-âng ah hung khiangkho intiu in, lei zosia le hung kitiam ta’n au,” ti’n keima ma’n thu ka la tiam ta’n, ka kam ah kipat thudik tak ka la gendawsa chu, a thawn in thumal khat le hung kile’kit lo ding ahi.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

1 PETER 1:16

“Keima ka thiantho gual in, nanghaw le la thiantho diu ahi,” ti ah zik ahi ngal a.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

THUPUAN 16:7

Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

ISAI 26:9

Jan phat leh ka hinna’n a hun thangai sek in, ka sung ah ka thagau hin gunchu tak in a hun hawl sek hi. Lei chung ah vai la hawm phat leh, khawvel ah chêngte hin felna chu zil ding ahi ngal un.

SAM 89:7

mithiangthote kikhopna a lau uh Pathian, chung lam ah a kiang ah um zosia lak ah, thupi leh ja um tak chu kua dang a hem?

ROMTE 15:9

A jangaina ziak ah, Jentelte’n Pathian a chawihoi theina ding un. “Ziaziakchun, Jentelte lak ah chun, chawihoi ing ka tin, La min pâk in La sa’ng ka,” ti zik gual ah khan.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

SAM 105:7

Ama chu Lalpa I Pathian uh ahi’n, khawvel zosia ah vaihawm chu ahi.

SAM 99:9

Lalpa I Pathian uh chawihoi unla, a tâng thiangtho ah chun chibai bûk tau in; Lalpa I Pathian uh a thiangtho ngal a.

SAM 22:3

Ahi’n, nang vang la thiangtho ah, Israelte pakchatna mun ah chawisa’n la hi.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.

ISAI 60:5

Ziaphat chuleh, mu’n la tin vâkdok ta’n la; la lungthim thanuam talua’n kipak intin, tuisuagiat ah hausakna leh, namtin hausakna chu la kiang ah, hun paw tung ding ahi ngal un.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

SAM 99:5

Lalpa I Pathian uh pâk unla, a kengbul ah chun chibai bûk un. Ama chu a thiangtho hi!

SAM 97:8

Zion tâng in a hia’n, a kipak hi; aw Pathian, la vaihawmna ziakin, Judah khawpite lim tak in a um ui.

SAM 22:23

Lalpa ki’chate haw, ama chu pâk un! Jakob suan zosiate haw, ama chu chawihoi un! Israel suan zosiate haw, ama ja tak in ho tau in!

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

THUPUAN 16:5

Ziaphatchun, tuite vansawlchâk chun: “Aw Lalpa, nangma a um tasa leh, a um lai tak leh a um kit ding chu la hi; zia tawhbang ah vai la hawm ziak hin, midik la hi.

THUPUAN 19:8

A monu ding chu puan malngat thiang leh, vâm tak silsak a hi’n, zia puan malngat chu, a mi thiangthote dikna nasep ahi”. A tiu a.