THUPUAN 15:3 - PATHIAN LEKHABU THIANGTHO (BSI)

³ Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 15:3 Referans Kwoze

SAM 111:2

Lalpa thilbawlte a lopi in, a kipakpi tapo in a sût sek ui.

SAM 139:14

Tizat um tak leh lamdang tak ah siam ka hiziak in, ka hun pakcha la hi. La thilbawlte hi a mak hi ti, ka hinna’n a hechian tai.

SAM 145:17

Lalpa chu a tawidan zosia’n a dik a, a thilbawl zosia ah mi lungsiat thei tak ahi.

HEBRAITE 3:5

A vainung ah gen ding ah hiatsakna dingin Mosi chu Pathian Insung zosia ah nasem ahi’na ah chun a ginum pen hi.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

THUPUAN 14:3

Ziate chun, lalchutpha leh thilhing palite leh upate ma ah chun La thak a sau a. Lei ah kipat tatdaw tâk mi nuai khat sîng li leh sang li te longal kuama’n zia La chu a hethei puau hi.

DAN LEKHABU 31:30

Tichun, Israel mipi chia khawm zosiate het ah chun, zia La te hi Mosi’n a leng in a gen tai.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 11:17

“Aw Lalpa, Pathian Bangkim hi’thei, um tasa leh um lai tak leh, hung um kit ding kiang ah chun, kipakna ka hun piau hi; la thilhitheina lopi chu la kilâk a, vaihawmna chu la chang tai.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

DANIAL 6:20

Danial umna sakeibaknei kul a hun nai phatin, lungngai tak in Danial a hun ko ah: “Aw Danial Pathian suakpa, ginum tak ah a na la sep, la Pathian chun sakeibaknei lak ah kipat in a hun hukdok na em?” a hun tia.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

SAM 145:6

La thilbawl tizat um takte chu puanjak pek hi’ntin, ke’n le la lopi dan chu puangjak ing ka.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

ZEPHANIAH 3:5

A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.

MIKAH 7:20

Nidang lai ah kipat ka pu leh pateu kiang ah, la kitiam tâk gual in, Jakob kiang ah la ginumna latsak ah, Abraham kiangah la thutakna, danglam lo dungzui ah chun guitunsak ta’n.

SAM 105:5

A thilbawl lamdang takte chu hawl unla, a thilmak bawlte leh a kamsuak, a vaihawmnate chu hezing un.

SAM 78:12

Aigupta gam sung Zoan phâizawl ah chun, a suanteu mit mu in thilmak takte a la bawlta ngal a.

JOB LEKHABU 5:9

Ama’n thil thupi tak leh hawldaw sên gual lo, simsên gual lo thilmak tak takte, ei bawl piak ngâl a.

2 KHANGTHU 24:6

Tichun, lengpa chun thiampu lianpen Jehoiada chu a ko ah, a kiang in, “Lalpa suak Mosi thupiak dungzui ah Judai gam leh Jerusalem khua cheng zosia ah kipat, thuthung puanbûk ah matchâk ding, Israel mipi zosia lak ah kipat in hun lakhawm ding ah bangatia Levite chu thu pelo la hem?” a tia.

1 KHANGTHU 6:49

Himaleh, Aron leh a chapate chun vang Pathian in Mosi kiangah thu a piak dungzui ah, mâichâm ah hâlmang thillat lân ding leh gimtui hâlna mâichâm ah lân ding ah, mun thiangtho pen ah Israelte tatna ding bawl ah sêm dingin a pang ui.

THUPUAN 14:8

Chuleh, vansawlchâk panina a nung ah chun a hung kit ah, ama chun, “Thanhuaina, lungnatna uain, nam zosia dawnsak sek, Babulon khawpi chu a chim tai! A chim tai!” a tia.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

NEHEMIAH 9:14

chuleh, la suak Mosi mangcha’n, la sabbath thiangtho hiatsak in, thupiak leh thuguatte le la pia’i; chuleh, ki-etkolna ding dantele la la pia ahi kha.

DAN LEKHABU 34:5

Lalpa suak Mosi chu, Lalpa thu gual tak in, Moab gam ah chun a thi tai.

DAN LEKHABU 32:3

Lalpa min chu puang ding ka hiziak in; lopina chu I Pathian uh pia un!

JOSHUA 22:5

Lalpa suak Mosi’n, Lalpa la Pathian uh hepi ah, a lampi zosia haw in, la lunggil zosiau leh la thagau zosiau ah ginum tak ah a na sêm chiat dingin thu a hun piakte kha, zia thupiak leh a dan thuguatte chu chingthei tak in zawm phot mai un,” ti’n a gen a.

JOB LEKHABU 36:24

Mihingte’n zaila a choi sek uh, a thilbawl chawihoi ding hi hezing in.

SAM 18:30

Zia Pathian hi a lampi a pha bukim in; Lalpa thutiam chu a dik suak hi; ama bêl zosia â dingin phaw ahi.

SAM 92:5

Aw Lalpa, la thilbawlte a lopi in, la ngaituanate chule a thûk na lawm lawm e!

SAM 111:7

A khut nasepte chu a ginum in, a dik hi; a thununna thu zosia chu a muan um hi.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.