THUPUAN 14:3 - PATHIAN LEKHABU THIANGTHO (BSI)

³ Ziate chun, lalchutpha leh thilhing palite leh upate ma ah chun La thak a sau a. Lei ah kipat tatdaw tâk mi nuai khat sîng li leh sang li te longal kuama’n zia La chu a hethei puau hi.

THUPUAN 14:3 Referans Kwoze

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

SAM 149:1

Lalpa chu pâk tau in! Mithiangthote kikhopna chun, Lalpa chawihoi in La thak sau inla, a pâkna La sa tau in.

SAM 98:1

Aw Lalpa chawihoi in La thak sau inla; thil lamdang takte a bawl ta ngal a. A khut changlam leh a bân thiangtho chun, zaw’na a chang ta ngal a.

SAM 40:3

Ka kam ah La thak a koi in, I Pathian pâkna La ngei chu. Mi tam tak in zia chu mu’n, lau intiu in, Lalpa ging ta’n au.

SAM 144:9

Aw Pathian, nangma choihoina La thak hun sâng ka; tingtang gui sawm nei mang in, nangma pâkna La hun sa’ng ka,

SAM 96:1

Aw Lalpa chawihoi in La thak sau inla; leilung lua zosiate haw, Lalpa chawihoi in La sau in.

SAM 33:3

Ama pâk in La thak sau inla, thiam tak leh ngai tak in tum un.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

1 KORINTH 1:18

Kros thu chu mangthaite â dingin ngolhuai ahi’n; eihaw hukdam hi zingte â dingin vang Pathian thilhitheina ahi zawi.

THUPUAN 7:4

Tichun, mi a hun tepte jat chu ka la he; Israel chate, namtin a mi, nuai khat leh sîng li leh sâng li a hun tepte a.