THUPUAN 13:5 - PATHIAN LEKHABU THIANGTHO (BSI)

⁵ Ama chu pau uanna leh Pathian gensiatna kam piak in a um ta’n; chuleh tha sawmli leh tha ni tiang thilhitheina a mat phal piak ahi tai.

THUPUAN 13:5 Referans Kwoze

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

DANIAL 7:8

A kîte chu ka ngaitua zing lai in, a kî chuam, neucha khat, a dangte lak ah kipat chun a hung dawndok ah; zia kî neu hung pawtdawna mun ah kî dang pathumte chu a zung pum in bawdaw in a um tau a. Zia kî neu ah chun mihing mit gual gual leh, chapo tak ah thugenna kam le a um a.

THUPUAN 12:6

Chun, numeinu chu ni sang khat za ni leh sawmguk vâk ah a umna ding mun, Pathian mun guanggal piakna gamthip ah chun a jam mang tai.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 7:11

Kî neucha’n chapo tak ah a thugen git husa ziak ah chun ka en zing a. Ka et zing lai in, gam sahâng chu thalup in a um ta’n; a taksa chu suksiat ah um in, meikuang ah hâltum dingin a pedok tau a.

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

DANIAL 7:20

chuleh, a luchung ah kî sawmkhatte leh a dang pakhat, a hung dawn daw’na ding ah thugenna kam le nei, a dang cheng sâng ah thupi zaw hileh kilawm chungchâng chule ka he nuam ma ma ta’n.

THUPUAN 13:7

Mithiangthote do theina leh zawtheina piak ahi’n; chitin, pautin, mitin leh namtinte chung ah thilhitheina piak ahi.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

SAM 12:3

Lalpa‘n mi maiphatna mûk leh, kisathei tak ah thugenna lei zosia chu ât tan hen la:

DANIAL 8:14

Chuleh, a hun dawnhu a: “Jing kalte leh nitâkte sang ni leh za thum bei nung leh mun thiangtho chu a umna ding tak ah tundin kit hita’n a,” a hun tia.

DANIAL 12:12

Ni sang khat za thum sawmthum leh nga a bei tiang ngâk ah thuakzote chu mi hampha a hiu.

2 THESSALONITE 2:3

Kuama’n bangma chan hun thêm kiu hen; puksanna a hung tun masak phot ah, Dan Susepa, mangthai chapa chu a hung kilat lo leh zia ni chu hung tung lo ding ahi ngal a.

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

EZEKIEL 35:13

Kiletsak tak in keima kãl in thu la gen un, lei demna thuu la gen tam ma mau hi; zia zosia chu ka he tai,” a tia.