THUPUAN 13:3 - PATHIAN LEKHABU THIANGTHO (BSI)

³ Ahi’n, a luchangte lak ah pakhat chu thi’pi thei ding khop ah liam in ka mu’; himaleh, thîpi thei khop ah liam chu a hung dam ta’n; ziaphatchun, van nuai ah mite chun zia sahâng chu maksa tak in a zui tau a.

THUPUAN 13:3 Referans Kwoze

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 17:17

Pathian thute sukbukim ahi masang, ama doilam a bawl ua, lungthim khat a nei ua, a lenggam uh sahâng kiang ah a piakna ding un, Pathian in amau ah chun ngaituana a koi tangal a.

THUPUAN 17:10

Chuleh, lal sagite le a hiu ah, a lak ua pangate chu a pûk tau a, pakhat chu a um lai tak ahi’n, pakhat chu a hung nai puai; ama chu a hung phat leh hun chomcha sung um ding ahi.

EZEKIEL 30:24

Babulon Lengpa khutbânte chu suhât ing ka tin, a khut ah ka chemjam koi ing ka; himaleh, Aigupta khutbânte chu hi’bong ding ka hi; thi ding khop ah liamna tuakte thûm gual in thavai tak in thûmsak ing ka.

THUPUAN 17:13

Ziate chun thiltup kibang a nei un, a thil hitheinau leh a hâtnau chu sahâng kiang ah chun pia’n au.

THUPUAN 13:12

Ama chunle sahâng masa zawk thilhitheina kha a nei ah, lei leh a chung ah um zosia chu thi theina hial ah liam ah hung dam kit sahâng masa kha a hosak tai.

NASEPTE 8:13

Zia Simon ngei chunle a hun ging ta’n; baptisma a hun chan phat in, Philip mang ah thilmak kibawlte leh tepte’na kibawlte chu ngaitua kawm in, a kiang ah chun a um zing in, mak a sa thei ma mau a.

LUKA 2:1

Zia hun ah chun, Lengpa Augastas chun gam pumpi Sia dawlna ding ah min zik lut ding thu a pia’n.

THUPUAN 17:6

Zia numei chu mithiangthote thisan leh Jesu ziak ah martarte thisan dawn kham in ka mu’n; ama ka mu in mak ka sa ma ma a.

JOHAN 12:19

Pharisaite chu a kiho ua, “En un, bangma la law theilo uh hi; en tiam un, khawvel ah mite’n a nung a zui tau hi,” a tiu a.

THUPUAN 17:11

Chuleh, zia sahâng um ta zet ah, um lo kit kha a pagiatna’n hung pang intin; ama chu sagite lak ah mi ma kha ahi’n, manthaina lut kit ding ahi.