THUPUAN 13:2 - PATHIAN LEKHABU THIANGTHO (BSI)

² Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.

THUPUAN 13:2 Referans Kwoze

THUPUAN 20:2

Dragon, gulpitêk, Diabol leh Setan a tiu chu a man ah, kum sâng khat sung â dingin a kân tawm a.

THUPUAN 17:12

Chuleh, a kî sawm la mute kha lal sawmte a hiu; tu’hin vang lenggam a nei nai puau hi; ahi’n la, hun dan kâl khat sung vêl chu sahâng tawh lalte gual in thunei tak in um in au.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 13:4

Zia sahâng thilhitheina pepa dragon chu a ho tau a. “Zia sahâng gual hi kua dang a um em? Ama do thei dingle kua dang um ding a hem?” ti’n sahâng chule a ho tau hi.

THUPUAN 12:15

Numei chu tui in a tawman dingin a kam in tuikhang gual zet in, tui a phidaw khum pek a.

THUPUAN 12:13

Dragon chun, lei ah paithâk ahi ti a kihiat phat chun, numei chapa hingnu chu a delzui ta’n.

THUPUAN 16:10

Chun, vansawlchâk pangana chun a belbu chu sahâng lalchutpha chung in a buntha’n; a gam sung chu a thim suak ta’n, leipet hial in nat thuak in a um tau a.

AMOS 5:19

Mi pakhat sakeibaknei lau ah tai, savom tuak kha gual a hem; ahiloleh, In sung ah lût ah, a khut bâng ah a ngat leh, gul in a la chuk piak gual chu ahi.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

ISAI 5:29

A thawm uh sakeibaknei hâm a bang in, sakeibaknei note gual in a ngîk ui; a samat ding uh ngîm ah mat gual in, kipuak mang in au. Kuama’n a lâkpiak thei ta puau hi.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

THUPILTE 17:12

Mingol a gutut a pua’n lai tak sît khak sâng in, savompi a no kiluak piak zo pan kituakpi chu nop a um zawi.

SAM 22:21

Sakeibaknei kam ah kipat in ei hukdok in! Jangsial kî ah kipat in ei hukdok ta’n!

2 LENGTE 2:24

A kihei vêl leh a mau chu a hun mu ta, Lalpa min in hânsia a lawkhum tai. Chun, gamlak ah kipat in savompi pani a hung pawtdok ua, pawsal naupangte lak ah sawmli leh ni chu a hung petlum tau hi.

HABAKKUK 1:8

A sakolteu chu gialbem sâng in a chan-gang zaw’n, thimbut ah ngei sâng in a lau um zawu hi; a sakol chungchuangteu chu, a hung kithejak ui. A sakol chungchuang miteu chu, gamla tak ah kipat hung a hiu in; mupi sa nêk ding baw gual in, kin-gang tak in a hung leng ui.

AMOS 3:12

Lalpa‘n zia gual hin a tii: Belampu’n sakeibaknei kam ah kipat sakeng pani a hem, a bil them khat a hem a hukdaw gual in, Samaria ah chêng Israelte chu chutna ning khat leh lupna kilning khat a hem tawh hukdok in um in’au, ti in.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

THUPUAN 13:12

Ama chunle sahâng masa zawk thilhitheina kha a nei ah, lei leh a chung ah um zosia chu thi theina hial ah liam ah hung dam kit sahâng masa kha a hosak tai.