THUPUAN 13:11 - PATHIAN LEKHABU THIANGTHO (BSI)

¹¹ Chun, sahâng dang lei ah kipat hung pawt ka mu’n; belam gual in kî pani a nei ah, dragon pau gual in a pau a.

THUPUAN 13:11 Referans Kwoze

DANIAL 7:8

A kîte chu ka ngaitua zing lai in, a kî chuam, neucha khat, a dangte lak ah kipat chun a hung dawndok ah; zia kî neu hung pawtdawna mun ah kî dang pathumte chu a zung pum in bawdaw in a um tau a. Zia kî neu ah chun mihing mit gual gual leh, chapo tak ah thugenna kam le a um a.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

THUPUAN 17:6

Zia numei chu mithiangthote thisan leh Jesu ziak ah martarte thisan dawn kham in ka mu’n; ama ka mu in mak ka sa ma ma a.

THUPUAN 16:13

Zia lai tak chun dragon kam leh sahâng kam leh jawlnei lêm kam ah kipat chun, thagau buak pathum uphok tawhbang chiat a hung pawt uh ka mu.

THUPUAN 13:17

Zia tepte’na sahâng min a hem a nambar a hem, neite longal chun, bangma a zok leh a chawktheilona ding un.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

THUPUAN 12:17

Tichun, dragon chu numei chung in a lungna deu deu ah, a suante, Pathian thupiak zui ah, Jesu Khrista hiatsakna pom a la um nalaite chu do dingin a kipandok tai.

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

DANIAL 8:3

Ka dakdaw leh lui pang ah belamchal khat ka vak mu’n. Ama chun kî pani a nei in. A kî teni chu a sau gêl un; himaleh, khat chu a sauzaw’n, a sauzaw chu a hung dawkdok nunung zaw ahi.

THUPUAN 13:1

Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

THUPUAN 13:4

Zia sahâng thilhitheina pepa dragon chu a ho tau a. “Zia sahâng gual hi kua dang a um em? Ama do thei dingle kua dang um ding a hem?” ti’n sahâng chule a ho tau hi.