THUPUAN 13:1 - PATHIAN LEKHABU THIANGTHO (BSI)

¹ Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

THUPUAN 13:1 Referans Kwoze

THUPUAN 12:3

Zia ban ah chun, tepte’na dang pakhat a hung kilang kit a: Dragon san lian tak pakhat, luchang pasagi tawh kî sawm nei, a luchung ah lallukhuk pasagi khuk a hung kilang a.

THUPUAN 17:3

Tichun, thagau chun gamthip lam in ei paw mang ta’n; Pathian gensiatna dim luchang pasagi leh kî sawm nei sahâng sandup chung ah chuang numei pakhat ka mu’n.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

THUPUAN 17:16

Chuleh, a kî sawm la mute leh sahâng chun nawchizuaknu chu hun muda intiu in; bangma nei lo leh ngawnchang in koi intiu in; a sa ne’n, mei ah hâl tum ta’n au.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

THUPUAN 15:2

Limlang tuipi hileh kilawm mei tawh kihel ka mu’n; sahângte, a teptênate, a limte, a min nambarte, zo ah hung pawtte chu Pathian tingtang chawi in, limlang tuisuagiat chung ah chun a ding tau a.

THUPUAN 17:5

A chal in, “Babulon khawpi thugûk, lei chung ah nawchizuakte leh thânghuaite nu,” ti a kizik a.

THUPUAN 13:11

Chun, sahâng dang lei ah kipat hung pawt ka mu’n; belam gual in kî pani a nei ah, dragon pau gual in a pau a.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 13:15

Ama chu, zia sahâng lim chu hinna pethei ding leh, pausak thei ding leh, zia sahâng lim chu ho nuam lo tapo tha’theina chu piak ahi.

THUPUAN 16:13

Zia lai tak chun dragon kam leh sahâng kam leh jawlnei lêm kam ah kipat chun, thagau buak pathum uphok tawhbang chiat a hung pawt uh ka mu.

THUPUAN 19:19

Sahâng leh lei ah lalte leh a sepaiteu chu, sakol chung ah chuang leh a sepaite tawh kido ding ah hung khawm ka mu.

DANIAL 2:41

A kengpêk leh a kengzungte, thîk tawh tungman kihel la mu gual khan, lenggam chu khen jak hita’n a; himaleh, a lak ua khenkhatte chu thîk gual ah hat lawi um in au, thîk tawh tungman kihel khawm la mu gual ah khan.