THUPUAN 12:5 - PATHIAN LEKHABU THIANGTHO (BSI)

⁵ Amanu chun chapa a hun nei ah, ama chu nam zosia chung ah thik tiang a vaihawm ding chu ahi; ziaziakchun, a nausen chu Pathian kiang ah lalchutpha umna chun lâk to in a um ngal tai.

THUPUAN 12:5 Referans Kwoze

THUPUAN 19:15

A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.

THUPUAN 12:2

Amanu chun nau a vop ah, nau suak ding kuan nat thuak in a hâm a.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

THUPUAN 11:12

Amau chun, “Zia lam hin hung to un,” a ti’na aw ngai tak, van ah kipat hung gi chu a he tau a; tichun a mêlmateu in en zui kawm in sûm lak ah van lam in a chia to tau hi.

MATTHAI 1:25

ahi’n la, chapa a nei masia chu a luppi puai. Chuleh, a min in Jesu a sak tai.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

2 KORINTH 12:2

Khrista ah chun mi pakhat, van thumna tiang ah lâk to ah um ka hia’i; zia chu kum sawm leh li masang kha a hita’n, taksa a hem, taksa umlo a hem ka gen thei puai, Pathian in a hia’i.

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

ISAI 66:7

Nauvei man lo in cha a hing in, a nat in a tut ma’n chapa a nei hi.

2 KORINTH 12:4

Paradis ah lâk to in a um ah, thu gendaw ngailo, mihing genthianlote a hia’i ti ka hia’i.

THUPUAN 12:13

Dragon chun, lei ah paithâk ahi ti a kihiat phat chun, numei chapa hingnu chu a delzui ta’n.