THUPUAN 12:12 - PATHIAN LEKHABU THIANGTHO (BSI)

¹² Ziaziakchun, nanghaw vante leh a sung ah umte haw, kipak un; chuleh, lei leh tuisuagiat ah chêngte chung chu a gik hi! Diabol chun hun chomcha bep nei ahi ti a kihiat tâk ziakin, lungna tak in lei lam ah a hung suk tai,” a tia.

THUPUAN 12:12 Referans Kwoze

THUPUAN 8:13

Ziazaw chun, ka et leh muthongpi khat vanlai jawl ah leng in, aw ngai tak in, “Vansawlchâk pathum um nalaite chun a pengkul uh a mût phat ua leh, lei chung ah um nalaite chung a gik hi, a gik hi, a gik hi!” a ti ka hia’n.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 11:10

Amau teni chung ah chun lei ah chêngte chu kipak intin uh, limna bawl intin uh, thilpiakte kithot tua intin uh; amau chun lei ah mite a hi’genthei ma ma ngal un.

THUPUAN 9:12

Chunggikna masa chu a kichai ta’n; chunggikna panina chun hun zui ding ahi.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

THUPUAN 11:14

Tichun, chunggikna panina chu a kichai ta; chunggikna pathumna chu hung tung ding ahi tai.

2 PETER 3:8

Ahi’n la, doitakte haw, zia thu hi hemil kiu in: Lalpa ngai in ni khat hi kum sang khat gual ahi’n, kum sang khat hile ni khat gual ahi, ti hi.

HEBRAITE 10:37

“Hun chomlokâl ah hung dingpa chu, hung pai ziang ding ahi tangal a, sawt hun dâng ta pua’n a.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:6

Tichun, Pathian gensiatna’n a kam a ka’n; a min leh a mâichâm leh van ah um zosia chu a gensia tai.