THUPUAN 11:8 - PATHIAN LEKHABU THIANGTHO (BSI)

⁸ A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

THUPUAN 11:8 Referans Kwoze

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

THUPUAN 18:10

Chun, amanu nat thokgimna ziak ah lau in gamla tak ah ding in: “Ahei! Ahei! Babulon khaw lopi, khawpi det chu la chung a gik hi, hundan kâl khat sung ah la chung ah, vaihawmna a tung ziang in,” ti’n au.

THUPUAN 18:21

Chun, vansawlchâk hat tak hin suang lian tak sumhêk suang gual hi a hun la, tuisuagiat in a paitha, “Babulon khawpi lopi chu zia gual hin paithâk hi’ntin, muphâk hita pua’n ah, a tia.

HEBRAITE 13:12

Zia gual chun, Jesu’n le ama thisan ngei ah mite a hithiantho theina dingin kul kotkhak pawlam in a thuak tai.

THUPUAN 18:18

a kâng khu chu gâl et in: “Zia khawpi lopi gual hi, a um kit thei ta diam?” ti’n a kiko ua.

THUPUAN 11:9

Chun, mipite, namtin leh pautinte leh gamtin ah mite’n zia mithiluang chu ni thum leh a kimkhat sung en intin uh, vui dingle phal pua’n au.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

EZEKIEL 23:27

Aigupta gam ah kipat la thanhuaina leh la kizoknate haisak ing ka; ziate chu thangai ta pua’n la tin, Aigupta le hemil ta’n la, ti in.

EZEKIEL 23:19

A chutisapi’nle, Aigupta gam ah a ngâklak lai ah thanghuai tak ah a la umdante kha a hetzing ziakin, a thanghuai zaw sêm a;

EZEKIEL 23:8

A nungak lim lai ah kipat pawsalte’n a luppiu leh a nawi a khoi piak un; a taksa utchâknau sukpitinna a mat ziak un, Aigupta gam ah kipat a thanhuaina chu a haisan puai.

EZEKIEL 23:3

a neulai ua, Aigupta gam ah a um lai ua kipat ah nawchizuak a la hi’tâk ziak un, a kizuak thanghuai tau ah; a nawi uh a khoi piak un, a nungak ânglai uh kihelna’n a mang tau hi.

ISAI 3:9

A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

THILSIAM THU 19:24

Lalpa chun Sodom leh Gomorrah khawpi chung ah chun, van ah Lalpa kiang ah kipat in mei leh kât a hun zuksak ta’n;

THILSIAM THU 13:13

Sodom mite chu mi nunsia, Lalpa huat jawng tak ah gilo ma ma a hiu a.

THUPUAN 18:2

Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.

THUPUAN 14:8

Chuleh, vansawlchâk panina a nung ah chun a hung kit ah, ama chun, “Thanhuaina, lungnatna uain, nam zosia dawnsak sek, Babulon khawpi chu a chim tai! A chim tai!” a tia.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

HEBRAITE 6:6

ziate chun a pûksan kit ua leh vang, a lung hei kitna ding un siamthak kit ding gual a hita puau hi; Pathian chapa chu amau â ding ah khetden kit leh sukmualpho kit ahi tâk ding ziakin.

NASEPTE 9:4

leitual in a kipuk ta’n; zia lai tak ah chun aw khat in a kiang in, “Saul, Saul, bangatia ei sugenthei la hem?” a hun tia.

JEREMIAH 26:23

Aigupta gam ah kipat in Uriah chu a vapuidok un, Lengpa Jehoiakim kiang ah a hun pui tau ah; ama chun chemjam in a satlum ah, a luang chu mipi vantang thanmual in a vui tau hi.

THUPUAN 18:24

Zia numei sung ah hin jawlneite leh, mithiangthote leh lei chung ah thâ ah um zosiate thisan chu, mudaw ahi tai,” a ti tai.

THUPUAN 17:5

A chal in, “Babulon khawpi thugûk, lei chung ah nawchizuakte leh thânghuaite nu,” ti a kizik a.

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

EZEKIEL 37:11

Ziaphatchun, ka kiang in, “Zia gukeute hi Israel Inkuante chu a hiu. Amau in, ‘Ka guteu a keugawp ta’n, ka kinepnau le a bei tai; pai thâk thian ka hitau,’ a tiu in.

EZEKIEL 16:46

La u-nu chu Samaria ahi’n, a chanute tawh nang umna mallam ah chêng ahi; chuleh, la naunu chu, la umna simlam ah um, a chanute tawh chêng Sodom chu ahi.

EZEKIEL 16:49

La suapinu Sodom gitlona chu zia hi ahi: ama leh a chanute a kisathei un, nêk a pap un, a kinoptel un, genthei leh tasamte vang a ngaisak puau hi.

THUPUAN 14:20

Khawpi kul pawlam ah uain sûkna khûkpi ah chun a sûk tau a, zia uain sûkna khûk ah kipat chun thisan a luangdok a; zia chun mêl za ni tiang a chûm ah, sakol kamkaina tiang in a thûk hi.

THUPUAN 17:18

Zia numei la mu hi khawpi lopi, lei ah lalte chung ah vaihawm chu ahi,” a ti’n.