THUPUAN 11:6 - PATHIAN LEKHABU THIANGTHO (BSI)

⁶ Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.

THUPUAN 11:6 Referans Kwoze

LUKA 4:25

Himaleh, thu dik tak chu zia hi ahi: Elijah hun lai ah khan, kum thum leh tha guk sung van a hung pin ah, a gam pumpi kial a tun lai khan, Israelte lak ah meithâi tam tak a la um tho ui;

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 SAMUEL 4:8

I chung uh a gik na e! Zia pathian hat takte khut ah kipat hin kua’n ei hukdok thei ta ding a hem? Zia pathiante hin gamthip ah khan, gawtna tincheng in Aiguptate kha a la gawt tau a.

THUPUAN 8:8

Chun, vansawlchâk panina chun pengkul chu a hun mût leh, tâng lianpi tawhbang pakhat mei ah kâng lut lut chu tuisuagiat sung in a hung kiseptha ta’n; ziaphatchun, tuisuagiat mun thum ah khen mun khat chu thisan a suak tai.

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

THUPUAN 16:3

Chun, vansawlchâk panina chun a belbu chu tuisuagiat chung ah a buntha ta’n; mithi thisan gual in a san ah, tuisuagiat sung ah hinna nei zosia a thi zo tau a.

THUPUAN 16:4

Chun, vansawlchâk pathumna chun a belbu chu lui ah te, tuinâk ah te a buntha ta’n: lui tui zosia chu thisan a suak tai.