THUPUAN 11:4 - PATHIAN LEKHABU THIANGTHO (BSI)

⁴ Ziate pani chu Oliv thing pani leh thaumei tunna pani, lei Lalpa ma ah dingte chu a hiu a.

THUPUAN 11:4 Referans Kwoze

JEREMIAH 11:16

Tu’ma lam ah khan Lalpa‘n, “Oliv thinghing, ga pha leh hoi,” ti min a hun sak ah. Ahi’n, tu’hin vang van-gi tawh mei in hun hâl intin, a bakte chu kâng tum ta’n a.

SAM 52:8

Kei vang Pathian In ah Oliv thing no dip dep gual ka hi. Pathian ngilneina chu kumtuang, kumtuang in ka muang hi.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

ROMTE 11:17

Chun, a bâk khenkhatte chu sâtthâk ah um in, nang gam Oliv chu amau zung ah kizom ah la um ah, Oliv thing phatna chu kikoppi la hi chun,

LUKA 11:33

Kuama’n thaumei vak in law nuai in a koi ngai puau in, a tunna’n a tung zaw sek ui; mi a hung lutte’n a vâk chu a mu’na ding un.

PAWTDAWNA THU 8:22

Ahi’n, zia ni ah chun Goshen gam, ka mite chênna gam chu koichuam ing ka tin; tichun, zia tak ah chun thosi hon him him um pua’n ah: Chutichun, lei ah hin Lalpa chu ka hi ti la hettheina ding un.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.