THUPUAN 11:2 - PATHIAN LEKHABU THIANGTHO (BSI)

² “Ahi’n la, Pathian tempul paw lam huang sung hivang te’ kin, Jentelte kiang ah piak ei tai; chuleh, amau chun zia khaw thiangtho hi tha sawmli leh tha ni chuan dên in au.

THUPUAN 11:2 Referans Kwoze

THUPUAN 12:6

Chun, numeinu chu ni sang khat za ni leh sawmguk vâk ah a umna ding mun, Pathian mun guanggal piakna gamthip ah chun a jam mang tai.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

THUPUAN 22:19

Chuleh, kua’nle, zia thu genlawkna Lekhabu kizikte hi a lâk mang chun, zia lekhabu kizik, Hinna Lekhabu kipat leh khawpi thiangtho ah a chan ding chu Pathian in lamang in a.

MATTHAI 27:53

Jesu a hung thawkit nung ah chun a thânteu ah kipat hung pawtdok in, khawpi thiangtho ah chun mi tam takte kiang in a vakilâk tau a.

MATTHAI 5:13

Lei chi la hiu; himaleh, chi hi dau taleh bang in ahi al kit thei diam? Zia chu paimang ah, mite chotden ding bep lo ngal in panna a nei ta puai.

MATTHAI 4:5

Ziazaw chun, diabol chun khawthiangtho ah chun a pui lût a, Pathian Biak In sip zum ah chun a dinsak ah, a kiang in,

DANIAL 8:10

Van ah umte chan in a khang a. Van ah umte khenkhat leh aksite lei tual a paitha’n, a chuanchil tai.

EZEKIEL 42:20

A sîk li’n a te’ zo ta’n. A kîmvêl bâng in a ûm ah, a dung tong za nga leh a vai tong za nga a ting ah; zia chu mun thiangtho leh mipi vantang kidaidanna’n a pang hi.

THUPUAN 11:11

Chun, ni thum leh a kimkhat zaw phat chun, Pathian ah kipat hinna thagau chu a sung ua hung lut in, a keng un a hung ding ua, a mu tapo chu a lau tau a.

HEBRAITE 10:29

Pathian Chapa tawden ah, ama sukthianna thuthung thisan chu bangmalo ah ngai ah, hepina Thagau sunuakte chu, bang gual tak ah gawtna nasa zaw thuak tâk in la ngai awm?

DANIAL 7:19

Ziaphatchun, gam sahâng a pali’na, a dangte tawh kibang lo, tizat um ma ma, thîk hâ nei ah, sum-eng tin nei, a bân ah ne zo pek leh puaitel zo, a nêkbang cheng a keng ah chuanchil ziang pen chungchâng chu ka hechian nuam ma ma ta’n;

KÂ LATE 1:10

Mêlmate’n a go thil zosia chung in a khut uh a jak khum un; a mun thiangtho nam dangte, lut a phal lona mun chu nam dangte chun, a sim tau hi.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

KISIMNA LEKHABU 14:34

Gam etthâkna hun la suklût uh ni sawmli dungzui in, ni khat chu kum khat ah sim hi’ntin, la gitlo man uh kum sawmli la puak diu ahi; chutichun, ka lungawi lo dan tak chu he ta’n lau,” a tia.

ISAI 5:5

Tu’hin, ka grep huan hi bang law ding ka hita em ti hun hil ing ka. A pal phia’ng ka tin, nêk zaw in um ta’n tin; a dâi phia’ng ka tin, tawden in hung um ta’n a.

EZEKIEL 4:6

Zia chu la bawl zaw phat leh, a niveina dingin, la changlam delpha in lum kit in, Judah Inkuante gawtna ding chu la puak ding ahi; ni khat tawh kum khat kituk ding ah hisap in, ni sawmli la lup ding ahi.

DANIAL 8:13

Ziaphatchun, mithiangtho khat in thu a hun gen ah, zia thugenpa kiang ah chun, a dang khat in a hun dawnhu kit chu ka hia’n: “Hâlmang thillat thu leh thil phalo bawl ziak ah nutsiana leh mun thiangtho leh van hotu tawdenna la mu kilâkna hi bang chan hiding a hem?” a hun tia.

DANIAL 8:14

Chuleh, a hun dawnhu a: “Jing kalte leh nitâkte sang ni leh za thum bei nung leh mun thiangtho chu a umna ding tak ah tundin kit hita’n a,” a hun tia.

THUPUAN 21:10

Thagau in ei pui ah, tâng sâng tak leh lian tak chung in ei pui a; van ah Pathian kiang ah kipat hung kitawl suk, khawpi thiangtho Jerusalem chu ei etsak a.