THUPUAN 11:12 - PATHIAN LEKHABU THIANGTHO (BSI)

¹² Amau chun, “Zia lam hin hung to un,” a ti’na aw ngai tak, van ah kipat hung gi chu a he tau a; tichun a mêlmateu in en zui kawm in sûm lak ah van lam in a chia to tau hi.

THUPUAN 11:12 Referans Kwoze

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.

NASEPTE 1:9

Zia thute chu a gen zaw phatin, a et zing lai un, ama chu lâk to in a um ta’n, sûm in ama chu a pui to ah, a mupha ta puau hi.

2 LENGTE 2:11

A chia kawm ua a holim zel lai un, meikuang kângtalai tawh meikuang sakolte’n amau teni chu a hung khendan ta’n, Elijah chu chîmpei in van ah a kal to tai.

1 THESSALONITE 4:17

ziazaw chuleh, ei haw hing ah umte hi, vanlai jawl ah khin Lalpa tuak dingin, amau tawh kigual in sûm chung ah lâk to in um hitiu: tichun, kumtuang in Lalpa kiang ah um tai tiu.

THUPUAN 12:5

Amanu chun chapa a hun nei ah, ama chu nam zosia chung ah thik tiang a vaihawm ding chu ahi; ziaziakchun, a nausen chu Pathian kiang ah lalchutpha umna chun lâk to in a um ngal tai.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

LUKA 16:23

Mithi khua chun nat genthei tak thuak in a um ta’n; a dakdaw leh, gamla tak ah Abraham ângsung ah Lazar um chu a mu tai.

ISAI 60:8

Zia tak ah sûmpi gual leh, a tukvan ua vakhu gual ah, hung lenglutte haw saw kuate a hiu em?

ISAI 40:31

himaleh, Lalpa ngâkte chu, a hatnau sukthak piak ah um in, mupi gual in a tha un leng sâng intiu in, tai intiu in, maleh, chawl pua’n au; lam zawt zawt maleu le basam diak pua’n au.

2 LENGTE 2:5

Jeriko ah jawlnei pawl khat umte chun Elisha a hun nai ua, a kiang in, “Tu’ni hin Lalpa‘n la hotupa nang ah kipat lamang ding ahi ti he lo la hem?” a tiu ah. Ama’n a kiang un, “Ahi, ka henai; thip hiat hiat un,” a tia.

2 LENGTE 2:1

Tu’hin, Lalpa‘n chîmpei ah Elijah van ah a lâk to ding kuan ah chun, Elijah leh Elisha chu Gilgal ah kipat lampi a hung kiton lai un.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

ISAI 14:13

La lungthim in: “Van ah kal to ing ka tin, Pathian aksite chung lam ah ka lal chutpha koisâng ka tin; Zaphon tângsîp ah mipite kikhopna tâng ah hang chu’ng ka tin;

SAM 112:10

Mi nunsiate’n zia chu a mu phât uh leh lungna’n, a hau gawi maleu bangmalo hi’ntin; migilote duthusam chule bangmalo hung suak ta’n a.

SAM 86:17

Lei doichuamna tepte’na chu ei etsak inla; tichun, ei mudate chun a muu ah, a mualpho theina ding un. Lalpa, ei panpipa leh ei thamuanpa chu, nangma la hi.

SAM 24:3

Lalpa tâng ah kua hem kal to ding? A mun thiangtho ah kua hem ding thei dingle?

SAM 15:1

Aw Lalpa, la puan In ah kuaa hem chêng zing ding? La tâng thiangtho ah chun kua a hem chêng thei ding?

2 LENGTE 2:7

Jawlnei pawl khat umte lak ah mi sawmnga chule a chia tau a, amau tawh kigamla deu in a ding ua, amau teni chu Jordan lui gei in a ding ua.

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.