THUPUAN 10:6 - PATHIAN LEKHABU THIANGTHO (BSI)

⁶ Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 10:6 Referans Kwoze

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.

THUPUAN 16:17

Chun, vansawlchâk sagina chun a belbu chu vanlaijawl in a buntha ta’n; van ah tempul leh lalchutpha kipat chun aw ngai tak in, “Zaw ahi tai,” ti’n a hung kiko a.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

THILSIAM THU 14:22

Himaleh, Abram in Sodom khua lengpa kiang ah chun, “Lalpa, El Elyon lei leh van siampa kiang in thutiam ka bawl ta’n;

PAWTDAWNA THU 6:8

Abraham, Isak leh Jakob kiang ah piak ding ah ka tiamna gam ah chun hun pui lût ing ka tin; la gochan ding un zia gam chu hun pia ding ka hi: Kei Lalpa chu ka hi, a tii, ti’n vagen in,’ a tia.

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

KISIMNA LEKHABU 14:30

Jephuneh chapa Kaleb tawh, Nun chapa Joshua tilo ngâl, a dang khat chale la chênna ding ua ka tiamna gam chu lut lo ding la hiu.

EZEKIEL 20:5

a kiang un: Lalpa Pathian in zia gual hin a gen hi: Israelte ka têlchuam ni khan, Jakob suante kiang in thu ka la tiam ta’n: Aigupta gam ah ka la kihiatdawsak ta’n, a kiang un: Kei hi Lalpa la Pathian uh chu ka hi, ti’n ka la kitiam tai.

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 6:11

Amau chu puan vâm a hun pechiat ua; chuleh, a kiang ua a suak chanpiteu leh a unauteu, amau gual ah tha a hung um dingte chu a hung kim masang siau ngak tadi dingin a hil ua.

THUPUAN 12:12

Ziaziakchun, nanghaw vante leh a sung ah umte haw, kipak un; chuleh, lei leh tuisuagiat ah chêngte chung chu a gik hi! Diabol chun hun chomcha bep nei ahi ti a kihiat tâk ziakin, lungna tak in lei lam ah a hung suk tai,” a tia.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.