THUPUAN 1:9 - PATHIAN LEKHABU THIANGTHO (BSI)

⁹ Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

THUPUAN 1:9 Referans Kwoze

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

THUPUAN 1:2

ama chun Pathian thu leh Jesu Khrista chanchin hiatsak ah um leh a thil mu zosia chu a zik a.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.

PHILIPPI 4:14

Ahi’n, ka haksatnate ah lei thokpiu hi la bawlpha ma mau hi.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

THUPUAN 14:12

Zia hin mithiangtho, Pathian thupiakte zui leh Jesu â ding ah ginum zingte, gunchuna nei ding ah chialna a um hi.

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

PHILIPPI 1:7

Nanghaw zosia lam ah zia gual lungthim put chu kei â dingin a kilawm him ahi, la lunggil un lei hezing ngal ua; ka kolbuna leh, chanchinpha ka panpina leh ka sukdetna ah le, la leng un Pathian lungsiatna chu lei kikoppi ngal un.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 12:17

Tichun, dragon chu numei chung in a lungna deu deu ah, a suante, Pathian thupiak zui ah, Jesu Khrista hiatsakna pom a la um nalaite chu do dingin a kipandok tai.

THUPUAN 6:9

Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

2 THESSALONITE 3:5

Chun, Lalpa‘n la lungthim uh chu Pathian hepina leh Khrista detna ah chun hun pui lût ta hen.

MATTHAI 20:23

Ama chun a kiang un, ka no dawn ding chu dawn in lau; himaleh, ka changlam leh ka veilam ah kichu ding chu keima piak ding a hipua’n, ka Pa’n a guatte kiang ah chun a piak ding a hizawi, a tia.

MARKA 10:39

Amau chun, “Hi’thei ing kau,” a tiu a. Ziaphatchun, Jesu’n a kiang un, “Ka no dawn ding chu dawn in la tiu in, ka baptisma chan ding chule chang ngut in lau;

NASEPTE 1:15

Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,

2 KORINTH 1:7

Chun, thokgimna chanpite la hi gual un, thamuanna chanpite le la hiu ti ka het un ka hun kineppinau a det tai.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.