THUPUAN 1:8 - PATHIAN LEKHABU THIANGTHO (BSI)

⁸ Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 1:8 Referans Kwoze

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 48:12

Aw Jakob, ka têlchuam Israel, a la ngai tiam in: Keima hi ama chu ka hi’n, a masa pen ka la hi’n, a nunung pen le ka hi.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

ISAI 41:4

Zia chu kua’n a bawl, kua’n a la guanggal ah, a tîl ah kipat khang tam tak hun kodokpa chu kua a hem? Keima, Lalpa hi a masa pen ah umpa leh, a nunung pen ah le pang ding ka hi.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 11:17

“Aw Lalpa, Pathian Bangkim hi’thei, um tasa leh um lai tak leh, hung um kit ding kiang ah chun, kipakna ka hun piau hi; la thilhitheina lopi chu la kilâk a, vaihawmna chu la chang tai.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

THILSIAM THU 49:25

la pa Pathian in nangma hun panpi hen la, El Shaddai in hun maljawl hen la, chung lam van maljawlnate, nuai lam thûk tak ah maljawlnate, nawitui leh sûl lam ah maljawlnate’n, nangma hun maljawl dingpa ngei suk-hat in um ta’n.

THUPUAN 19:15

A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.

THUPUAN 16:14

Ziate chu thithate thagau thilmak hi’sekte kha a hiu a; amau chu Bangkim Hi’thei Pathian tawh a kidopinau ni ah gâldo ding ah lei ah lalte leh, khawvel pumpi mite kaikhawm ding ah hung kuandok a hiu hi.

THUPUAN 21:22

A sung ah chun tempul ka mu pua’n, Lalpa Pathian Bangkim Hi’thei leh Belamno chu a tempul uh ahi tai.

PAWTDAWNA THU 6:3

Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

THILSIAM THU 35:11

Chuleh, Pathian in a kiang ah, “El Shaddai chu ka hi; la chisuan pha hen la, hung pung ta’n; nam pakhat leh nam chi chuam chuamte la lak in hung piang in la khalbe’ kipat hin leng leh lalte le hung pawt in au.

THILSIAM THU 28:3

El Shaddai chun maljawl in, nam chêngkhawmte pu la hung hitheina ding in, chi tam tak suansak in hun hi’pung ta hen.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

KISIMNA LEKHABU 24:4

Pathian thute he’ thugenpa; Elshaddai kilâkna mupa thugen, bokkhup ah, mit kituam lo chun:

THILSIAM THU 43:14

Benjamin tawh la suapiu khat hile a hun thâdok theina dingin, zia pa chu El Shaddai in ngilneina pia ta hen. Keima ka hileh chu ka chate ka chân leh ka chân himai ta hen,” a ti tai.

THILSIAM THU 48:3

Jakob chun Joseph kiang in, “El Shaddai chu Kanaan gam ah Luz khua khan ka kiang in a kilâk in; ei maljawl a:

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 16:7

Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

THUPUAN 19:6

Mipi tam tak aw tawhbang, tui tampi git tawhbang, van nasa tak git tawhbang hial in: “Halleluijah, Lalpa Pathian Bangkim hi’thei chun vai a hawm tai.