THUPUAN 1:18 - PATHIAN LEKHABU THIANGTHO (BSI)

¹⁸ Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

THUPUAN 1:18 Referans Kwoze

ROMTE 6:9

Khrista chu mithi lak ah kipat in kaithaw in a um ah, thi kit ta pua’n ah ti I he ngal un; thina chun ama chung ah thu a nei ta puai.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

SAM 68:20

I Pathian uh hi hukhinna Pathian ahi; thi’na kipat hukhinna chu Lalpa, I Pathian uh â ahi.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

ISAI 22:22

David suan ah mite chung ah thuneina chabi pia’ng ka tin; ama honsa chu kuama’n khâk thei pua’n tin, a khâksa chule kuama’n hong thei diak pua’n au.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

MATTHAI 16:19

Van-gam chabi chu la khut in pia’ng ka tin, lei ah la kân chu van ah le kân hi’ntin; lei ah la thap chu van ah le thap hi’n a, a tia.

THUPUAN 20:14

Thina leh mithi khuate chu meidil ah a pai tau a. Zia chu thini’na chu ahi tai.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

HEBRAITE 7:16

Ama chu taksa thupiak dungzui ah siam a hipua’n, hin tawp lo thilhitheina ah piang ahi zawi.

2 KORINTH 13:4

Ama chu jawngkhal tak in khetden in um maleh, Pathian thilhitheina ziakin a hing zing tai. Kei hawle ama ah chun hatlo ka hitau; ahi’n la, nanghaw lam ah Pathian thilhitheina ziakin ama tawh hing ing kau.

JOB LEKHABU 19:25

Ei Tanpa chu a hing zing hi ti ka he’i, ama chu ni tawp ni leh, lei chung ah hin hung ding di ahi’n,

THUPUAN 9:1

Vansawlchâk pangana chun a pengkul a mût leh, aksi pakhat van ah kipat lei ah ketha ka mu, ama chu leikawkhuk tawp neilo honna chabi chu piak a hia;

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

SAM 18:46

Lalpa chu a hing zing hi! Ka Suangpi chu pâk in um hen la; ka hukdamna Pathian chu chawihoi in um hen la,

THUPUAN 5:14

Thilhing palite chun, “Amen,” a tiu ah. Chuleh, upate chun bokkhup in a ho tau hi.

1 SAMUEL 2:6

Lalpa‘n a thatah, a hinsak kit tai; Sheol ah a paitha suk in, a kaidok kit tai.

JOB LEKHABU 38:17

Thi’na kotkhak sung etsak ah um in, thi’na dailîm kotkhak sunglam chu, la mu kha ta em?

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

LUKA 24:5

Numeite chu a lau ma ma ziak un, a mai ua leitual si hial in a ma âng un a bokkhup tau a; ahi’n, amau chun, “Bang a tia mithi lak ah mihing hawl la hiu em? Zia tak ah hin a um ta puai, a thokit tai;

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 6:8

Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 15:7

Thilhing palite lak ah pakhat chun, vansawlchâk sagite kiang ah chun, sana belbu pasagi sung ah kumtuang ah hing zing, Pathian lungnatna dim chiat chu a pia.

THUPUAN 20:13

Tuisuagiat chun a sung ah mithite chu a thâdok a; thina leh mithi khua’n le a sung ua mithi um zosia chu a hun thâdok un; mitin chu a nasep dungzui chiat un vai a hawm piak tau hi.