THUPUAN 1:16 - PATHIAN LEKHABU THIANGTHO (BSI)

¹⁶ Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.

THUPUAN 1:16 Referans Kwoze

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

THUPUAN 2:16

Ziaziakchun, la lung hun hei in; achutilochun, hung vak ing ka tin, ka kam ah chemjam ah hin amau chu hun do ding ka hi.

THUPUAN 19:15

A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.

THUPUAN 2:12

Pergamum khua kochuam vansawlchâk kiang ah chun, zia gual hin zik in: Chemjam hiamtua hiam tak neipa khan, zia thu hi a gen hi:

EPHESA 6:17

Chuleh, hukdamna lukhuk chu khuk in, Pathian thu, Thagau chemjam chu pan un.

ISAI 49:2

Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.

THUPUAN 19:21

A dangte chu sakol chung ah chuangpa kam ah chemjam pawt ah chun thâgam in a um tau a; chunglêng vachate chu a sa’u in a kivâk vâ tau hi.

MATTHAI 17:2

A ma-âng un a mêl a hung danglam ta’n; a mai chu nisa gual in a hung vâk ah, a puansilte chu vûk gual in a hung vâm tai.

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.

NASEPTE 26:13

aw lengpa ngai tiam in, sûnchang lai tak in, keima leh ka kitonpite kîmvêl tuam ah chun vâk nasa tak mai, nisa sâng ah le vâk zaw hial in van ah kipat in ei hun khaw suk phut a;

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

THUPUAN 12:1

Van ah chun tepte’na lopi tak pakhat a hung kilang a; numei pakhat, nisa kithuam, a keng nuai ah thapi um, a luchung ah lallukhuk aksi sawm leh ni nei a khuk a.

THUPUAN 10:1

Vansawlchâk hât tak a dang khat, sûm ah kithuam, van ah kipat hung ka mu; a luchung in uizo a jam ah, a mêl chu nisa gual in a vâk ah, a keng chu mei khuam gual ahi.

DANIAL 12:3

Mipil taphot chu van lam vakna gual in vâk ta’n tiu in, mi tam tak dikna lampi puilûtte chu, kumtuang kumtuang in aksite gual in vâk zing ta’n au.

JOB LEKHABU 38:7

Jingsol aksi te’n La a sa khawm un, van lam thilte zosia lim ah, kikosak kha kua a hem?

DANIAL 8:10

Van ah umte chan in a khang a. Van ah umte khenkhat leh aksite lei tual a paitha’n, a chuanchil tai.

ISAI 24:23

Zia ni phat chuleh, thapi kisel ta’n tin, nisale zakcha ta’n a; Sepaite Lalpa chun, Zion tâng leh Jerusalem ah chun, vai a hawm ding ziak leh, a mipi puitute ma-âng ah a lopina, a tâklat tâk ding ziak in.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

VAIHAWMTE 5:31

AW Lalpa, zia gual chun, la gâlte zosia mangthai tau hen! Himaleh, la gual leh pâite chu vang, jingkal ni suak vak hoi tak gual chu hitau hen, ti in. Tichun, gam chu kum sawmli sung gâl muang tak in a um tai.

SAM 45:3

Aw mihat, chemjam la kawng ah vop inla, la lopina leh la ja’umna’n kithuam in.

SOLOMON LÂ 6:10

Kua a hem jing nino gual leh, thapi gual ah mêlpha, nisa gual ah vâk, sepai hon diallap tawh, chiate gual ah tizat um chu?

THUPUAN 2:1

Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi:

VAIHAWMTE 3:16

Ehud in chemjam tong khat ah sau a kisiam ah; zia chu a changlam malpi puan nuai in a kânden a.