THUPUAN 1:1 - PATHIAN LEKHABU THIANGTHO (BSI)

¹ Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 1:1 Referans Kwoze

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

THUPUAN 22:6

Chun, ama chun ka kiang in, “Zia thu kigente hi a ginum in a dik ahi; jawlnei thiangthote Lalpa Pathian chun, thil um pai ta dingte chu etsak dingin a vansawlchâk a hun sawl ahi.

GALATIA 1:12

Mihing ah kipat ka mu le ahi diak pua’n, mi ei hil le ahi diak pua’n, Jesu Khrista kilâkna ziak ah ka mu a hi zawi.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

EPHESA 3:3

chuleh, thugûk chu ka kiang ah hiatsak ah a um dan, tu’ma chomcha ka zik gual khan;

THUPUAN 1:19

Ziaziakchun, la thil mute, thil um zingte leh tu’nung ah hung um dingte chu zik in.

DANIAL 9:23

Thil don ah la pauchap tîl ah kipat khan thumal kam khat a hung pawt, zia chu hiatsak ding ah hung ka hi; nang chu nasa tak ah doichuam la hi. Ziaziakchun, a thu chu ngaitua inla, kilâkna chu hechian ta’n!

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

JOHAN 3:32

A mu leh a het taphot a hiatsak ah, a thu hiatsak chu kuama’n a pom puau hi.

DANIAL 9:21

ka pauchapna thu ka gen zing lai in, nitâk lam kithoi hun in, mu’lawkna ka la musa, mi pakhat Gabriel chu, kin tak ah hung leng in ka kiang a hung tung ta’n.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

DANIAL 8:16

chuleh, Ulai lui pang ah chun mi pakhat in, “Gabriel, zia pa chu a mu’lawkna a mu chu vak hilchian piak in,” ti ah hung kiko ka hia’n.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.

JOHAN 12:49

Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 8:26

La chungthuu ah hin gen ding leh demna ding tam tak ka nei nalai hi; himaleh, ei sawlpa chu midik tak ahi’n, ama ah kipat ka hiatte chu zia khawvel kiang ah hin ka gen zawk ahi,” a tia.

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

THUPUAN 5:7

Ama chu a hung ah, lalchutpha kichupa khut changlam ah kipat chun, lekhabu chu a la ta’n.

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:8

Zia thilte hi keima Johan ngei in ka mu leh ka hiatte chu ahi. Ziate hi ka mu leh ka het phat in, ei etsakpa vansawlchâk kengbul ah chun ama biak ding gua’n ka bokkhup a.

THUPUAN 22:9

Himaleh, ama’n ka kiang in, “Zia gual chun hi’ kin; keima le la suak chanpi, la suapi leh jawlneite nasemtu pakhat leh, zia lekhabu thu kigente a la zuitu pakhat ka hi. Pathian chu la biak ding ahi,” a tia.