THUPILTE 3:1 - PATHIAN LEKHABU THIANGTHO (BSI)

¹ Ka cha, ka hilnate hi hemil kin la, la lunggil in ka thupiakte hi chêng zing zaw ta hen;

THUPILTE 3:1 Referans Kwoze

THUPILTE 4:5

Pilna nei inla, hetthiamna nei in; ka kam ah thu pawtte hi hemil him him kin la, kiheimangsan kin.

SAM 119:16

La thuguatte chung ah kipak ing ka tin, la thu chu hemil pua’ng ka.

THUPILTE 1:8

Ka cha, la pa zilgaina chu ngaitha’n la, la nu hilna chule ngaidau kin;

SAM 119:93

La thununna thute chu bangtik lai inle, hemil ta pua’ng ka; nang in ziate ah chun hin leh dam lei pia ta ngal a.

SAM 119:34

La dan ka vop phat theina dingin hiatthiamna ei pia’n; tichun, ka thinlung zosia’n zawm ing ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

DAN LEKHABU 8:1

Dam ah la um ua, la pun jel ua, Lalpa‘n la pu leh pateu kiang ah piak ding ah a tiamna gam la valua theina ding un, tu’ni ka thu hun piak hi gunchu tak ah la zui ding uh ahi.

SAM 119:153

Ka genthei dan hi ngaitua inla, ei hukhing ta’n; la dan chu ka hemil ngai paw’ngal a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

DAN LEKHABU 4:9

La mit ua la muteu chu hemil lo a, la dam sungsiau la lunggil ua la het zing theina ding un, chingthei tak ah kivêng in um phot un; zia thute chu la chateu, la tuteu leh la tusawnteu tiang in hil unla;

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

DAN LEKHABU 4:23

Ziaziakchun, Lalpa la Pathian un la kiang ua thuthung a siam la bawsiat khâk lona ding uh leh, Lalpa la Pathian un bangma lim leh a kibatpi him him siam a phal lo haw kha, la hetmil lona ding un chingthei tak in um tau in.

THUPILTE 31:5

a la dawn khâk pal ua chun, dan hemil intiu in; migentheite chung ah vaihawm khial kha’n au.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

PAWTDAWNA THU 20:6

Himaleh, keima ei hepi ah, ka thupiak zawmte suan chu, a sâng a sângte chung ah lungsiatna chuai lo hilang zing ka hi.

SAM 91:16

Dam sawtna’n ama hi’lungawi ing ka tin, ka hukdamna musak ing ka.

SAM 119:61

Migilote khauhual chun ei zem tom maleh, la dan chu ka hemil diak puai.

THUPILTE 2:1

Ka cha, ka thute la pom ah, ka thupiakte la khol khawm ah,

THUPILTE 4:2

dan pha ka hun mop la hiu, ziaziakchun, ka hilna hemil kiu in.

THUPILTE 16:31

Samkâng hi lopina lal lukhuk ahi hen, zia chu mi lamzangte’n a chang sek ui.

THUPILTE 23:26

Ka cha, la lungthim ei pia’n, chuleh, ka lampite hi en zui in.

DAN LEKHABU 5:16

Lalpa la Pathian thupiak dungzui un la nu leh pa ja un; tichun, Lalpa‘n a hun piakna gam ah hin lamzang in la tiu in, la dam kum uh le sawt in ah.

DAN LEKHABU 5:33

La gam luana ding ua chu la dam sawt ua, lam zang tak ah la hin theina ding un, Lalpa la Pathian un thu a hun piak gual tak in la zop ding uh ahi, a tia.

THUPILTE 4:21

Ka thugente hi la mit mu ah kipat in kigêl mangsak kin la; la lunggil tak in vop in.

THUPILTE 8:1

Pilna chu kiko in, hetthiamna chun a aw a sua pua a hem?

THUPILTE 9:1

Pilna chun a In ding a sa hen, bankhuam pasagi a phut hi.