THUPILTE 2:5 - PATHIAN LEKHABU THIANGTHO (BSI)

⁵ Lalpa launa châng hun hia’n la tin, Pathian hetna chu hun mudok in la.

THUPILTE 2:5 Referans Kwoze

THUPILTE 1:7

Lalpa launa hi hetna bul ahi’n, mingolte chun pilna leh, hilna thu a ngainêp sek ui.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

THUPILTE 9:10

Lalpa launa hi pilna bul ahi’n, Thiangtho Pa hetna chu hetthiamna ahi.

JOB LEKHABU 28:28

Ziaphatchun, mihingte kiang in: “Lalpa launa chu vang pilna ahi takzet in, thil phalo nutsia hi, hetthiamna bul chu ahi takzet hi,” a tii.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

THUPILTE 8:17

Keima ei ngaina chu ke’n le ka ngaina, gunchu tak ah ei hawlte chun ei mu’n au.

THUPILTE 28:7

Dan zawm tapo chu mipil a hiu a, mi lawpchawp gualpha neite chun, a nu leh pa zachatna a tut sek ui.

ISAI 33:6

ama chu la hun leh phat kingakna, hukdamna kiningting, pilna leh hetna hung hi’ntin; Lalpa kichâkna chu a go hi’n a.