THUPILTE 10:3 - PATHIAN LEKHABU THIANGTHO (BSI)

³ Lalpa‘n midikte kial a thoksak pua’n, mi diklote lunggul chu a dâl piak sek hi.

THUPILTE 10:3 Referans Kwoze

SAM 37:25

Naupang ka la hita’n, tu’hin chu teksia ka hung hi tai; ahi’n, midik nutsia ah um leh, a suante an don le ka mu nai diak puai.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

SAM 37:19

hun phalo ah mualpho pua’n tiu in, kial hun inle kiningting in au.

SAM 33:19

a hinnau thi’na lak ah hukhing ding leh, kial hun ah le amau vêng bit ding ah, kinemte chung ngei ah chun.

JOB LEKHABU 5:20

Kial hun tun inle thi’na lak ah kipat in, hun hukdok intin, kido hun inle chemjam thilhitheina, lak ah kipat hun hukdok in a.

LUKA 12:31

Tichun, Pathian gam chu hawl masa leu chin, zia thil zosia chule piak belap in um in lau.

ISAI 33:16

zia gual mite chu munsâng leh, thawveng ah chêng intiu in; a kisêlnau chu suangpi lak ah kulte chu hi’ntin, a nêk ding uh piak hizing intiu in, a tui dawn ding uh kang ngai pua’n a.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

SAM 112:10

Mi nunsiate’n zia chu a mu phât uh leh lungna’n, a hau gawi maleu bangmalo hi’ntin; migilote duthusam chule bangmalo hung suak ta’n a.

JOB LEKHABU 20:28

A Insung neithilte chu, puakmang piak hita’n tin, Pathian lungnatna ni chun, a nei leh lamte chu luakmang hita’n a.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

THUPILTE 13:25

Midik chun ama taina ding khop nêk ding a nei zing in; mi nunsia vang gilkial ah taitêp in a um zing hi.

THUPILTE 28:9

Dan le ngaisak talo mi chu, a pauchapna le ki’dak um ahi.

THUPILTE 28:25

Mi du-âm chun kinakna a chokdok sek in; ahi’n, Lalpa ah ginna nga zing mi chu suk-hausat in um ding ahi.

JOB LEKHABU 15:23

A nêk ding uh hawl in kiltin in a vâkvêl un, “Khoi tak in a um uh em?” a tiu a. A tuak ding uh thimpi chu, naicha um ahi tai ti a he ma mau in,