THUPILTE 1:5 - PATHIAN LEKHABU THIANGTHO (BSI)

⁵ mipilte’n a het ua, a thiamnau a hung pun ah, thil hekhen thiam mite’n vaihawm thiamnate a neina ding un,

THUPILTE 1:5 Referans Kwoze

THUPILTE 12:1

Thununna ngaina mi chu hetna ngaina ahi’n; zilgaina zada mi chu mi kanang ahi.

THUPILTE 9:9

Mipil chu hil lechin, pil zaw sêm sêm intin; midik chu hil lechin, a hetna pung in a.

1 KORINTH 10:15

Mipilte kiang ah gen gual in ka gen la hiu; ka thugen hi ngaitua un.

JOB LEKHABU 34:16

Hetthiamna nei la hi chun, zia ka thugen hi a la ngai tha tiam in.

JOB LEKHABU 34:10

Ziaziakchun, nanghaw, ngaituana neitheite haw, ei ngaithau in; Pathian chun phalo tak in bawl pua’n tin, Hat Chungnung Pathian chun, diklo tak in bawl talojen in a.

JOB LEKHABU 34:34

Mi lunggêl mite leh mipil, ka thugen he te chun,

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

THUPILTE 14:6

Musittu chun pilna hawl sek maleh, a lawsam sek hi; hetthiamna neite â dingin vang, hetna chu bailam tak ahi.

THUGENTU 9:11

Chuleh, khawvel ah ka thil mu kit dang khat chu, kitaisiakna chu mi chan-gangte â ding bep ahi diak pua’n, kido’na chu mihâtte â ding mawng ahi diak pua’n; vaithum chule mipilte â ding bep ahi diak pua’n, hausakna le a hethiamte â ding bep ahi diak pua’n, doisakna le mi khutthiamte â ding bep ahi diak puai; a leng un hun lemchâng kibang tak ah piak ahi chiat ui.

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

JOB LEKHABU 34:2

Aw mipilte haw, ka thugen hi a la ngai unla, hetna neite haw, la bil uh hun daw un:

THUPILTE 8:33

Zilgaina thu mang in hung pil tau in, ngaisak lo in um kin.

THUPILTE 9:8

Musittu zilgaite chun mudâna a law un, mipil zilgaite chun ngainatna a law ui.

THUPILTE 18:15

Mi lungthim pil in chitna a kimu belap sek in, mipil beng chun hetna a hawl belap sek hi.

THUPILTE 19:25

Mi simmaw hât chu sawi in, chutileh, mimawl inle chitna hun zilbe in a; thil hethei mi chu hil lechin, hetna neibe in a.

THUPILTE 21:11

Musit chîng mite soi ah a um phat ua leh, mimawl a pil khawlaw sek in; mipilte zilgai ah a um phat ua leh, hetthiamna a neibe sek ui.