THILSIAM THU 1:3 - PATHIAN LEKHABU THIANGTHO (BSI)

³ Pathian in, “Vâk hung um hen,” a ti’n; tichun, vâk chu a hung um tai.

THILSIAM THU 1:3 Referans Kwoze

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

JOHAN 1:5

Zia vâk chu thim lak in a hung vâk in, zia chu thim in a zo puai.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

1 JOHAN 1:5

Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

JOHAN 1:9

Vâk dik tak, mitin salvâk ding chu khawvel ah hung ahi.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

SAM 33:6

Lalpa thu’n vante khi siam ahi’n, zia um zosia chu a kam ah suak a hu ah siam a hiu.

SAM 148:5

Ziate haw chun Lalpa min chu pâk tau hen; ama thupiak ah siam ah hung um ahi ngal un.

SAM 97:11

Mi dikte â dingin vâk a hung suak in, lungthim dik takte â dingin, kipakna a hung tung hi.

SAM 33:9

Ama’n a gen ah a hung um ta’n; ama’n thu a pia’n a hung um det ngal tai.

1 JOHAN 2:8

Himaleh, thupiak thak le ka hun zik tho hi; zia chu ama leh nangmau ah kilang ta chu ahi; thim chu hung bei intin, vâk dik tak chu a hung vâk tangal a.

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

JOB LEKHABU 38:19

Vâk chênna lam chu khoitak a hia, thim umna mun chule khoitak a hem?

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

SAM 118:27

Lalpa chu Pathian ahi’n, vâk ei hun pia tai. Thingbâkte chawi kawm in kût mang pan unla, mâichâm ningzumte chu hual vel tau in.

JOB LEKHABU 36:30

Ngai in, kawlphe’n a kiûm kîmvêlsak ah, tuisuagiat mongte tiang in a khû hi.

JOHAN 11:43

Zia a hun ti zaw ah chun, aw ngai tak in a hung kiko ah, “Lazar, hung pawt in,” a tia.

MATTHAI 8:3

Jesu’n a vak khoi a, “Ka nuam hi, a la thiangtho ta’n,” a tia. Thakhat in a phâk chu a hung thiang tai.

THILSIAM THU 2:4

Lei leh van a siam dan kha zia gual hi ahi: Lalpa Pathian in lei leh van a siam lai ah khan,