SAM 9:2 - PATHIAN LEKHABU THIANGTHO (BSI)

² Nangma ah lim ah kipak in; aw, Nang Chungnung pen, la min pâk in La sâng ka.

SAM 9:2 Referans Kwoze

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 5:11

Nang hun bêl zosia kipak uh hen la; kipak ziakin La sa zing tau hen. La vênbitna a chung un jak inla, la min ngaina zosiate chu, nangma ah lim tak in um tau hen.

SAM 7:17

Lalpa dikna ziakin a kiang ah kipak thu gen ing ka tin; Lalpa, Chungnung pen min chu pâk in La sa’ng ka.

SAM 97:9

Aw Lalpa, leilung zosia chung ah, Chungnung pen la hi’ngal a; nangma chu pathian zosia chung pek a, chawihoi in la um hi.

SAM 28:7

Lalpa chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

PHILIPPI 4:4

Lalpa ah chun kipak un; ti kit ngen ing ka kipak un.

SAM 97:12

Aw nanghaw midikte haw, Lalpa ah chun lim unla, a min thiangtho chu pâk tau in!

SAM 92:1

Lalpa kiang ah kipak thu gen leh aw Chungnung pen, la min pâk ah La sak hi a pha na e!

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

SAM 92:4

Aw Lalpa, nang in la thilbawl in lei kipaksak in; la khut thilbawlte ziak ah lim in, La sa ding ka hi.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

SAM 27:6

Tu’hin, ka mêlma ei ûm kîmvêlte chung lam pekah, ka luchang dawp kang in a um tai; ahi’n, a puanbûk ah chun limna La ngai tak ah sa pum in, kithoinate chu lân ing ka; Lalpa pâk ah La sa’n, thilgi hoite tum ing ka.

SAM 26:7

kipakna La ngai tak ah sa pum in, la thilbawl mak zosia chu puangjak ing ka.

SAM 86:12

Aw Lalpa ka Pathian, ka thinlung zosia’n hun pâk ing ka tin, la min chu kumkhua’n chawihoi ing ka.

SAM 96:3

Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

SAM 138:1

Aw Lalpa, ka lungthim zosia’n, la kiang ah kipak thu ka hun gen hi; pathiante ma-âng ah chun nangma pâk in La sa’ng ka;