SAM 8:5 - PATHIAN LEKHABU THIANGTHO (BSI)

⁵ Nang in amau chu, Pathian sâng ah niamzaw deu in la siam ah, lopina leh ja umna’n la thuam ngal a.

SAM 8:5 Referans Kwoze

HEBRAITE 2:7

Amau chu vansawlchâkte sâng ah nuainung zaw deu in la siam tadi in, lopina leh za umna la khuk sak in, a keng nuai ah bangkim la koi a,” ti in.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

HEBRAITE 2:16

A ngaikhawk ah, a panpi guatte chu vansawlchâkte ahi puau in, Abraham suante ahi zawu hi.

EPHESA 1:21

lalnate, thuneinate, thilhitheinate, vaihawmna zosia chung leh, tu’ khawvel bep hilo ah, khawvel hung tung ding nangawn ah,

SAM 103:4

la hinna thi’na khûk ah kipat hukdok in, ngilneina leh khawtuana a khuksak in,

THILSIAM THU 2:7

Lalpa Pathian in lei ah leivui in mihing a siam ah, a nâk hawmte ah chun hinna hu a tha’lût ah; mihiam chu mihing a hung suak tai.

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

SAM 45:6

Aw Pathian, la lalchutpha chu kumtuang, kumtuang in a um hi. La lal tiang chule dangdâk diak, neilona lal tiang ahi hen;

2 SAMUEL 14:29

Ziaphatchun, lengpa kiang ah chia ding ah Joab sawl gua’n a ko dingin mi a sawl ah; himaleh, Joab chu a hung nuam pua’n; a niveina’nle a sawl kit ah, a hung diak puai.

JOB LEKHABU 7:17

Mihing hi bang a hia, zia gual tuk ah hi la ngai poimaw ah, la ngaitua sek leh,

SAM 144:3

Aw Lalpa, mihing hi bang a hia ngaisak zing la hem? Thi thei mihingte hi bang ding ah la ngaitua zing sek?