SAM 71:2 - PATHIAN LEKHABU THIANGTHO (BSI)

² La dikna ziakin ei hukhing in; ei hukdok inla, ka lam ah la bil hun daw in ei hukhing ta’n.

SAM 71:2 Referans Kwoze

SAM 31:1

Aw Lalpa, la humbitna hawlin ka hun bêl hi; ei mualphosak him him kin; la dikna’n ei hukhing in.

SAM 17:6

Aw Pathian, ka hun ko hi, nang in ei dawnhu ding la hiziak in; ka lam ah la nakhang daw inla, ka thugen a la ngai in.

SAM 143:11

Aw Lalpa, la min ziakin ka hinna vêngbit in. La dikna ziakin ka hinna, lungjinna lak ah kipat in puidok in.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

SAM 143:1

Aw Lalpa, ka pauchapna ngai inla, la ginumna leh la dikna ziakin, lungsiat ka dotna ei ngaithâk piak inla, ei dawnhu in.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

SAM 17:2

Nangma ah kipat in ka dik zia hung kilang hen la; la mit in dikna chu mu hen.

SAM 31:2

Keima lam ah la nakhang hun daw inla, ei hukhing kin in. Ka kisêlna suangpi leh, ei hukhingpa ding ah kulpi det hung hita’n.