SAM 49:3 - PATHIAN LEKHABU THIANGTHO (BSI)

³ Ka kam in pilna thu gen intin, ka thinlung ngaituanate chu, hiatthiamna thu hi hen.

SAM 49:3 Referans Kwoze

SAM 19:14

Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!

MATTHAI 12:35

Mipha chun a lungthim gobawm pha ah kipat chun thilpha a suadok sek in: Migilo chun a lungthim gobawm gilo ah kipat chun thil gilo a suadok sek hi.

THUPILTE 22:17

Mipil in thu a gen hi, la bildaw inla, ka thugen ngaitha’n la; ka thuhilna mang in;

SAM 45:1

Ka thinlung hi pau mêlpha’na dimlêt hen; lengpa chu la’n ka chawi ta’n; ka lei hi lekhazik thiam tak kawlom gual ahi.

SAM 37:30

Midik kam chun pilna thu a sêkdok sek in, a lei inle vaihawmna dik a sêkdok sek hi.

SAM 119:130

La thu hilchet hin mite vakna a pia’n; mimawlte hiatthiamna a piai.

JOB LEKHABU 33:33

Ahiloleh, ka thugen hi ngai hiat hiat in, thipbek in um inla, pilna thu hun hil ing ka.

JOB LEKHABU 33:3

Ka thugen hin ka lungthim a dik dan tak a taklang in, ka mûk in ka het dan dik tak in a gen hi.

DAN LEKHABU 32:2

Hampa lak ah gawnêl zu gual in, ka thuhilte chu gawtui gual in zu hen la; thâi kekthakte chung ah gawmal phîng gual in, ka thugente chu daitui gual in kia hen.

SAM 104:34

Ka ngaituana hi a kipakna lam hi hen la, Lalpa ah chun ka kipak ngal a.

SAM 4:3

Himaleh, Lalpa‘n mi ginum chu ama â dingin, a koichuam sek hi ti he tau in; Lalpa‘n ka ko phat leh ei ngaitha sek hi.