SAM 47:1 - PATHIAN LEKHABU THIANGTHO (BSI)

¹ Aw mi zosiate haw, la khut uh bêng unla, limna La ngai tak in Pathian kiang in sau in.

SAM 47:1 Referans Kwoze

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 98:4

Leilung lua zosiate haw, Lalpa chawihoi in lim tak in kiko un; kikodok unla, lim tak ah La sa’n, a choihoina La sau in.

JEREMIAH 31:7

Lalpa‘n zia gual hin a gen hi: Jakob â dingin kipakna Lâ ngai tak in sau inla, namtin lak ah lopi penpa pâkna’n kiko un; ama pâkcha’n, “Aw Lalpa, la mipi, Israel um sunte chu hukdam in,” ti ah kiko in, puangjak un.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 47:5

Pathian chu kiko thawm tawh a chia to in, Lalpa chu pêngkul gi tawh a chia to tai.

2 LENGTE 11:12

Ziazaw chun lengpa chapa chu a hun puidok ah, thuthung chu a hun pia ta’n; ama chu lengpa ahi ti a puangjak ua, sathau a nu’ tau hi.

2 SAMUEL 6:15

Tichun, David tawh Israel Inkuante zosia chun kiko thawm nasa tak tawh pengkul mût in, Lalpa thuthung thingkuang chu a vapaw tau hi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

ZEKARIAH 4:7

Aw nang uh tâng thupi takte haw, bang ah kibawl la hiu em? Zerubbabel âng ah chun phâicham hung suak ding la hiu; kipakna kiko aw Pathian in maljawl hen! Pathian in maljawl hen! ti ah kiko kawm in a suangtian chungnung pen chu hun lem khawm zo ta’n au,” ti in.

SAM 98:8

Luipite’n a khut uh bêng uh hen la, tângte’n le kipak ziakin La hun sau hen la,

2 KHANGTHU 13:15

Tichun, Judah mipite chule gâldo dingin a hung kiko chiat phat un, Jeroboam tawh Israel mipi zosia chu Pathian in Abijah tawh Judah mipite chu a zawsak tai.

1 SAMUEL 10:24

Samuel in mipi zosia kiang ah chun, “Lalpa‘n a têl chu la mu’nau em? Mipite lak ah hin ama tawhbang kuama dang umlo ahi,” ti’n a gen a. Chuleh, mipite chun, “Lengpa chu damsawt hen,” ti’n a kiko tau a.

ZEPHANIAH 3:14

Ngai tak in La sa’n, aw Zion chanu; aw Israel, kiko in! La lunggil zosia lim in kipak in; aw Jerusalem chanu!

SAM 42:1

Sakhichal luicha tuiluang ducha, a hat dûp dûp gual in, aw Pathian, ka hinna hi, nangma thangai in a ha dûp dûp hi.