SAM 4:3 - PATHIAN LEKHABU THIANGTHO (BSI)

³ Himaleh, Lalpa‘n mi ginum chu ama â dingin, a koichuam sek hi ti he tau in; Lalpa‘n ka ko phat leh ei ngaitha sek hi.

SAM 4:3 Referans Kwoze

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

PAWTDAWNA THU 33:16

Keima leh ka mipite hin lei kitonpi lo ngal leh, la mittung ah um ka hiu ti bangti’n hethei ding ka hiu em? Lei chung zosia ah mihingte leh la mipite hin kikhiakna ka nei sun uh chu, nangma ka kiang ua la hung kilâk sek ziak bep hi hilo a hem?” a ti’n.

SAM 6:8

Nanghaw, thil phalo bawlte haw, ei nusia sik sek tau in; Lalpa‘n ka kâ thawm a he ta’ngal a.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

SAM 50:5

“Ka mi ginumte, ka kiang ah kithoina bawl ah thuthung siamte kha, hun pui khawm un,” a ti’n.

SAM 31:23

A mithiangtho zosiate haw, Lalpa chu hepi tau in. Lalpa‘n mi ginum chu a humbit sek a; ahi, kisuang tak ah bawlte chu, nasa tak in a thuk kit sek hi.

SAM 56:9

Ka hun ko phat leh ei do-te chu taijak ta’n au. Pathian in ei panpi hi ti ka hia’i.

SAM 49:3

Ka kam in pilna thu gen intin, ka thinlung ngaituanate chu, hiatthiamna thu hi hen.

SAM 62:10

Thagum ah mi lâkpiak hi kimuanpi kin la, misuam hile kisuanpi diak kin; hausakna a hung pun inle, a chung in la lungthim nga diak kin.