SAM 4:2 - PATHIAN LEKHABU THIANGTHO (BSI)

² Aw mite haw, bangchan a hem lei himualpho ding uh? Bangchan a hem pâkchâkna lêm la ngainat ua, zuau thu la hawl ding uh? (Selah)

SAM 4:2 Referans Kwoze

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

HOSEA 4:7

A pun po ua leh ka chung ah a gitlonau a pung in, a lopinau ziakin a mualpho tau hi.

SAM 3:3

Himaleh, Aw Lalpa, nang chu ka kîmvel ah ka phaw la hi’n; ka lopina leh ka luchang domkângpa la hi.

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

SAM 106:20

Pathian lopina chu bawngchal, hampa ne mai mai lim in a theng tau a.

SAM 5:6

Zuau gen mite chu hi’mangthai in; Lalpa‘n thisan sua mang mi leh, mi thephatte chu a ki’dak hi.

EPHESA 4:25

Chutichun, zuau gen haisan in, I Invêngteu kiang chiat in thudik gen hitiu, a kizom khawm chiat I hingal un.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

1 SAMUEL 12:21

thil mantheilo, phatchuamna bei leh nanghaw hun hukdok theilote hi, a phatchuamna bei ahiziak in zui kiu in.

JONAH 2:8

Milim manthei lo ho te chun, a ginumnau a kilepsan zo tau hi.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 20:5

Chuleh, a kinepnau Ethiopia leh a kisuanpiu Aigupta ziak ah chun, lungdong leh lungjing in um ta’n au.

SAM 63:11

Lengpa vang Pathian ah lim intin; ama min ah kitiamna nei zosia chu, kipak intiu in; mi zuauthei te kam chu, hukbit in um ta’n a.

SAM 58:3

Mi nunsiate chu a nu sûl ah kipat him in, Pathian ah kipat pêt mang a la hitau a; a piandawu ah kipat zuau thu gen in, a pêt mang ngal tau hi.

SAM 58:1

Pathiante haw, dik tak ah vaihawm la hi nau em? Mi tin chung ah kibang tak ah vaihawm la hi nau em?

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

SAM 31:6

Milim mantheilo buaipite chu la hua hen; ke’n vang Lalpa ka muang hi.

SAM 14:6

Mi chagate kiguanggalna chu sukbuai in um sek maleh, Lalpa chu a kihumbitnau ahi.

SAM 2:1

Bangatia, namtin in thil phalo guanggal ah, bang ding ah mi tin in thil manlo ngaitua a hiu em?

THUGENTU 9:3

Zia hi khawvel ah thil tung lak ah phalo ma ma khat chu ahi: Mitin chung ah kibang tak ah thil a hung tun mai hi. Zia mai chule hilo in, mi zosia lungthim hi phatlo na’n a dim in; a damsungsiau a lungthim ua ngolna dim in, zia nung chun mithite kiang lam a zuan tau hi.

SAM 72:2

Dikna’n la mite chung ah vaihawm hen la; genthei thuakte chu dik tak in vaihawm piak hen.

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

1 KORINTH 1:31

Tichun, “A suang tapo in Lalpa chu suang tau hen,” ti zik gual ah khan.

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

NASEPTE 24:9

Judate chunle zia thu chu a dik hi ti’n a panpiu a.