SAM 32:3 - PATHIAN LEKHABU THIANGTHO (BSI)

³ Ka thip hiat hiat sung khan, nitum ah ka mauna lam in ka taksa hi a la chau zo ta’n.

SAM 32:3 Referans Kwoze

SAM 38:8

Ka chautha ta’n ka tawp tai; ka ngaituana buai ziakin ka thûm hut hut hi.

SAM 38:3

La lungdamlona ziakin ka taksa ah hin dam lai ni him a um pua’n; ka gitlona ziakin ka gute hin, hisêl lai him a nei diak puai.

KÂ LATE 3:8

ko in, kap hial in a panpi don maleng, ka dotna ei ngaisak puai;

SAM 22:1

Ka Pathian, ka Pathian, bang ding ah ei nusia la hem? Bang ding ah ei panpi ding leh, ka thûmna thute he ding ah ei gamlat la hem?

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

JOB LEKHABU 30:30

Ka vun a vom zo ta’n, a toltha zo tai; ka sung ah ka gute hi a kang lum hut hut hi.

SAM 51:8

Limna leh kipakna ei hiatsak inla, ka gu la gawtnawite hi lim kit tau hen.

KÂ LATE 3:4

Ka phe leh vunte a vuaisak ah, ka gute a hi’bong a;

KÂ LATE 1:3

Judah chu sal ah puimang ah um in, genthei tak ah na sepsak ahi tai; nam dangte lakah um in, chawldamna him a nei puai; ama hun delte chun a lungdon lai tak in, a hun delpha tau hi.

ISAI 59:11

Savom gual in ka ngîk un, vakhu gual in ka thûm lit lit ui. Vaihawmna dik ka la ngâk un, ahi’n la, a um ta puai; hukdamna ka ngâk un, ahi’n la, keimau ah kipat in a gamla ma ma hi.

ISAI 51:20

La chate a basam zo tau ah, sazukchal lênthâng ah awk thachau gual in, khawlai kotzing tin ah a kitâl tek tuk tau hi; Lalpa lungnatna huitung tak tuak in, la Pathian vauna awsia pua a hiu.

SAM 6:2

Aw Lalpa, ka chung ah ja’ngai in, ka chautha ta’ngal ah; Aw Lalpa, ei hidam in, ka gu zosia lau in a kithing ta’ngal in.

JOB LEKHABU 30:17

Jan leh ka gute’n ei chip ngut ngut un, ei pettu hin chol hun a nei puai.

JOB LEKHABU 3:24

Ka vaithum nêk ding gual in, thûm leh mâuna a hung tung in, ka thûm leh maunate chu, tui gual in a luangdok hi.

2 SAMUEL 11:27

A pawsal sûnna hun chu a bei phatin, David in a pui dingin mi a sawl ah, a In ah a vapui lûtsak ah, a kichenpi tai; tichun, cha pakhat a hing tai. Himaleh, David thilbawl dan chun Lalpa a lungdam ta puai.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

1 SAMUEL 31:13

A guteu chu a lau ah, Jabesh ah mangge thingbul nuai in a vui ua; ni sagi anngawl in a sûn tau hi.

THUPILTE 17:22

Lungthim kipakna chu damdawi pha tak ahi’n, lungthim thasia chun vang gu leh châng a hikeu hi.