SAM 26:8 - PATHIAN LEKHABU THIANGTHO (BSI)

⁸ Aw Lalpa, la chênna In, la lopina umna chu ka ngaina na e!

SAM 26:8 Referans Kwoze

LUKA 2:49

Ama chun a kiang un, “Bangatia ei hawl la hiu em? Ka Pa In ah um ding him ka hi ti helo la hiu em?” a tia.

LUKA 2:46

Ni thum nung in tempul sung in a vamudok un; ama chu hotute lak ah chun a la kichu, thu ngaitha leh thu dong in a la um a.

ISAI 38:22

Hezekiah inle, “Lalpa In ah chia to kit ngei ngei ding ka hi ti tepte’na ding chu bang a hem?” ti’n a la gen a.

ISAI 38:20

Lalpa chun ei hukdam intin, tichun, Lalpa In ah chun, pêkgit thei tawh, nangma pâkchâtna La, ka damsung zosiau ah hin, sa ta’ng kau.

SAM 122:9

Lalpa ka Pathian uh In ziakin, la phatna ding hawl ing ka.

SAM 84:10

La biak In huang sung ah ni khat mai um hile, mundang ah ni sang khat um sâng in a pha zawi. Nunsiatna puanbûkte ah chênden sâng in, ka Pathian biak In kotkhak ngâk ah, panle ka nuam zawi.

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

2 KHANGTHU 5:14

Tichun, Pathian In chu Lalpa lopina sûmpi’n a lua dim tâk ziakin, thiampute chunle na a sêm sêm thei ta puau hi.

1 KHANGTHU 29:3

Zia bep chule hilo in, zia In thiangtho sakna ding ah ka la bawl cheng bân ah hin, ka Pathian In sak ding ka lung lut ma ma ziak in, keima nei leh lamte lak ah a pha cha cha, sana leh dangka thikte zosia chule ka Pathian Insakna ding ah hin ka pedok sik sek ta ahi;

2 SAMUEL 15:25

Ziaphatchun, lengpa chun Zadok kiang in, “Pathian thuthung thingkuang kha khawpi sung lam in jawn lut kit tau in. Lalpa mit tung ka hi chun, ka mit ngei ah hin zia thuthung thingkuang chu a umna mun ngei ah hin mu kit dingin ei pui kit na’n a.

2 KHANGTHU 7:1

Solomon a pauchap zaw phatin van ah kipat in mei a hung ketha suk ah, halmang thillat tawh kithoinate chu a hun kâng tum tai; tichun, Lalpa lopina chun tempul a hun lua dim tai.

2 KHANGTHU 7:2

Lalpa In sung ah Lalpa lopina’n a lua dim ziang phat ah chun, thiampute chu Lalpa In sung in a lut thei ta puau a.

EZEKIEL 3:12

Ziaphatchun, thagau in ei domkâng ah, Lalpa lopina a umna mun ah a kipatdaw phatin, ka nung lam in husa nasa tak ka he ta’n;