SAM 26:1 - PATHIAN LEKHABU THIANGTHO (BSI)

¹ Aw Lalpa, ka dikna latsak ta’n; lungthim dik tak pu ka hi’ngal a; ginglâ lo hial in Lalpa chu ka taksang hi.

SAM 26:1 Referans Kwoze

SAM 28:7

Lalpa chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

SAM 7:8

Lalpa‘n mite vai a hawm piak ah; Aw Lalpa, keima dikna leh phatna dungzui in vai ei hawm piak in.

THUPILTE 20:7

Midik, dem kâi lo ah um, ama dungsûn a chate chu mi vangpha a hiu!

SAM 21:7

Lengpa chun Lalpa a gin ziakin, Chungnung Penpa ngilneina ziakin, ama chu kilîng lo ding ahi.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

1 SAMUEL 24:15

Ziaziakchun, nang tawh kei chungchâng ah hin Lalpa‘n vaihawm hen la, a dik leh a maw khen ta hen. Enchian hen la, ei panpi in, nang ah kipat in ei hukdok ta hen! ti’n a gen tai.

2 PETER 1:10

Ziaziakchun, suapite haw, a hun kona leh a têlna chu hi’det dingin taimat sua zaw diak tau in; zia chu la hiu chun bangmatik in kilîk pua’n lau.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

HEBRAITE 10:23

Kilîng lo hial in I kinepnau thugin hi tudet zing hitiu, thutiampa chu a ginum ngal a.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

SAM 121:3

Ama’n la keng kilînsak pua’n tin; nangma hun vêngpa chu ipmu vuang pua’n a.

SAM 94:18

“Ka keng a teu hi,” ti ka ngaitua phat leh aw Lalpa, la ja’ngaina’n lei la kaibât hi.

SAM 62:6

Ama bep chu ka suangpi, ei hukhingpa leh ka kulpi ahi; kilîng pua’ng ka.

SAM 62:2

Ama bep chu ka suangpi, ei hukhingpa leh ka kulpi ahi’n; kilîng him him pua’ng ka.

SAM 54:1

Aw Pathian, la thilhitheina’nei hukhing inla; la thahâtna’n vai ei hawm piak in.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

SAM 37:31

A Pathian dan chu a thinlung un a um in; a kalsuan uh le teu pua’n a.

SAM 35:24

Aw Lalpa, ka Pathian, la dikna dungzui in ka dik zia latsak inla, amau chun ei nuaisia kiu hen.

SAM 31:14

Himaleh, aw Lalpa, nang ka hun ging ah; “Ka Pathian la hi,” ka ti hen.

SAM 26:11

Kei vang lungthim dik tak pu’n um ing ka tin; ei hukdok inla, ei lungsiat ta’n.

SAM 25:21

Ginumna leh dikna’n ei humbit ta’n, ka hun ngâk zing hi.

SAM 25:2

Aw ka Pathian, nang ka ging ah, ei mualphosak kin; ei do-te ka chung in kithang phatsak kin.

SAM 15:2

Dem kâi lo ah chia ah dik tak ah bawl, a lunggil tak ah kipat thutak gen mite,

SAM 4:5

Lalpa kiang ah kithoina dik tak lân unla, ama taksang un.

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.

JOB LEKHABU 2:3

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawhbang ah pha bukim, thu tak leh, Pathian lau leh thil phalo lak ah kipat kisûm thei mi umlo ei ve. A ziak leh zal bei ah lei hi’siatsak tiang inle a gin um zing nalai hi,” ti’n a dawnhu a.

JOB LEKHABU 4:6

La Pathian launa chu la muanpi leh, la diktatna chu la kineppi hilo a hem?