SAM 21:4 - PATHIAN LEKHABU THIANGTHO (BSI)

⁴ Ama’n hinna a don ah, kumtuang, kumtuang ah dam sawtna la pia tai.

SAM 21:4 Referans Kwoze

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

SAM 91:16

Dam sawtna’n ama hi’lungawi ing ka tin, ka hukdamna musak ing ka.

SAM 119:77

Ka hintheina dingin, la lainatnate chu ka kiang hung tung ta hen; la dan chu ka kipakna ahi ngal a.

SAM 133:3

Hermon dâichîm, Zion tâng chung ah ke sek gual chu ahi. Zia tak ah chun Lalpa‘n maljawlna, kumtuang dai dingin a la tiam ta’ngal a; kumtuang ah hinna dingin.

SAM 119:175

Nangma ka hun pâk theina dingin ei hinsak inla, la vaihawmnate’n le ei panpi ta’n.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 89:29

A suante chu kumkhua’n umsak ing ka tin, a lalchutpha chu vante a um laisia umsak ding ka hi.

SAM 13:3

Aw Lalpa, ka Pathian! Ngaitua inla, ei dawnhu tiam in. Ka mit ei hi’vâk piak in, achutiloleh, a thisate i-mut in ipmu kha’ng ka tin,

1 LENGTE 2:33

ziaziakchun, a thisan mawu Joab luchung leh kumtuang ah a suanteu luchung ah le’kit hiding ahi. Ahi’n la, David chung leh a suante chung leh a lalchutpha chung in Lalpa ah kipat kumkhua’n muanna um in a,” a ti’n.

1 LENGTE 2:45

himaleh, Lengpa Solomon maljawl in um intin, David lalchutpha chu Lalpa âng in kumtuang ah phudet in um in a,” ti’n a gen a.

2 LENGTE 11:12

Ziazaw chun lengpa chapa chu a hun puidok ah, thuthung chu a hun pia ta’n; ama chu lengpa ahi ti a puangjak ua, sathau a nu’ tau hi.

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.