SAM 21:1 - PATHIAN LEKHABU THIANGTHO (BSI)

¹ Aw Lalpa, la hâtna chun lengpa a kipak in, la panpi’na ziakin bang gual bep in a lim ta diam!

SAM 21:1 Referans Kwoze

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

MATTHAI 2:2

“Khoi ah a hem Judate lengpa hung piang chu? Sualam ah a aksi chu ka muu ah, ama chibai bûk ding ah hung ka hiu,” a tiu a.

SAM 62:7

Pathian ah chun ka hukdamna leh ka lopina a um in; ka hâtna suangpi leh ka kisêlna chu Pathian ahi.

SAM 28:7

Lalpa chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

SAM 95:1

Aw hung unla, Lalpa chawihoi in La sa’i tiu; I hukhinnau suangpi chawihoi in, lim tak in kiko hitiu!

SAM 71:17

Aw Pathian, ka khangdawn lai ah kipat in lei hil ta hen; tu’tiang hin la thilbawl mak takte chu, ka puangjak zing nalai hi.

SAM 63:11

Lengpa vang Pathian ah lim intin; ama min ah kitiamna nei zosia chu, kipak intiu in; mi zuauthei te kam chu, hukbit in um ta’n a.

SAM 20:9

Aw Lalpa, lengpa hi zaw’na pia’n; ka hun ko phat ua leh ei dawnhu in.