SAM 17:3 - PATHIAN LEKHABU THIANGTHO (BSI)

³ Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

SAM 17:3 Referans Kwoze

SAM 26:2

Aw Lalpa, ei enchian in la ei patep in; ka lungthim leh ka ngaituana enchian in.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

SAM 139:1

Aw Lalpa, nang in lei en suak kei ah, lei hechian tai.

SAM 119:106

La vaihawmna dik zosia zui dingin, thuthung ka siam in, ka hi’det ngal tai.

SAM 66:10

Aw Pathian, nang in lei patep ta’n; dangka haltuina mei ah chet ahi gual in lei chian tai.

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.

HOSEA 7:6

Thukkhûk gual ah kihâl âm a hiu in, a sung ua a lunggil uh chu a liausa pep pup hi; a lungnatnau jankhua’n a kitum in, jingkal phatin mei kuang gual in a kuangjak hi.

JEREMIAH 50:20

Zia ni phat chuleh, Israelte thulimlo’na chu hawl intiu in; ahi’n la, mu zaw hita pua’n tin; Judah gitlona hawl maleu mu zaw hita pua’n ah, a um nalai sun ding ah ka hawite chu ngaidam ding ka hi tai, Lalpa‘n a tii.

THUPILTE 13:3

A kam chingtup theite chun a hinnau a humbit un, thu mawk gente chun siatna tuak in au.

SAM 16:7

Lem ei guat piak Lalpa chu ka pâk hi; jan leh le ka lungthim in ei hil sek hi.

SAM 11:5

Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

SAM 7:4

ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

JOB LEKHABU 24:14

Tualthatte chu migenthei leh tasamte that dingin; thimbut in a kipan un; janthim nuai ah gucha gual a hiu.

1 SAMUEL 26:23

Lalpa‘n a dik leh ginum taphotte chu kipakman a pesek in; tu’ni’n la hinna Lalpa‘n ka khut in ei pia ta’n; himaleh, Lalpa sathaunu’ chung ah ka khut ka thanuam puai.

1 SAMUEL 24:12

Nang leh kei kikâl thu Lalpa‘n vaihawm mai ta hen! La chung ah ka khut ka thâk lo ziak hin a nop leh Lalpa‘n ka chung ah phuba la zaw mai hen!

NASEPTE 16:9

Jan ah chun Paul in kilâkna a mu ta’n: Makedonia gam ah mi pakhat ding in a mu’n, zia mi chun, “Makedonia lam ah hung gâl kâi unla, ei hung panpiu in,” ti’n a hun ko a.

1 SAMUEL 24:10

Tu’ni ma ma hin la hinna Lalpa‘n kawlhawm ah khan ei la pia ta ahi, ti la mit ngei in la mu tai; mi khenkhat in that ziang in ei tiu ah; ahi’n, la hinna ka hawi piak la hi. A kiang un, ka hotupa chung in ka khut tha pua’ng ka, ama chu Lalpa sathaunu’ ahi ngâl in, ka ti ahi.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

1 KORINTH 4:4

Bang ma kithiammawna ding ka kihe puai; ahi’n la, zia chun thiam ei chansak diak puai; ei enchianpa chu Pathian ahi zawi.

1 SAMUEL 26:11

Lalpa sathaunu’ chung ah khut tha dingin Lalpa‘n ei phal puai; a lutûn ah a cheicha tawh a tuiûm kha hun la’n la chia tai ti,” a tia.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

SAM 139:23

Aw Pathian, ngun tak in ei enchian inla, ka thinlung hi hechian ta’n; ei patep inla, ka ngaituanate hi hia’n.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.