SAM 136:1 - PATHIAN LEKHABU THIANGTHO (BSI)

¹ Aw, Lalpa kiang ah kipak thu gen unla, ama a pha ngal a; a ngilneina chu kumkhua’n um ding ahi ngal a.

SAM 136:1 Referans Kwoze

SAM 118:1

Aw Lalpa kiang in kipak thu gen un, ama chu a pha ngal a; a ngilneina’n kumtuang a dai hi.

1 KHANGTHU 16:34

Lalpa chu a pha ngal ah, a kiang ah kipak thu gen un; a ngilneina’n kumtuang a dai hi.

SAM 106:1

Lalpa chu pâk un! Aw Lalpa kiang ah kipak thu gen un, ama chu a pha ngal a; a ngilneina’n kumtuang dai ding ahi ngal a.

1 KHANGTHU 16:41

Lalpa ngilneina leh hepina’n kumtuang a dai ziak ah, a kiangah kipakna thu gen zing ding ah Heman, Jeduthun, leh midang a min uh taklat ah umte cheng chu guat a hiu hi.

SAM 107:1

Aw, Lalpa kiang ah kipak thu gen un, ama chu a pha ngal ah; a ngilneina’n kumtuang a dai ngal a.

2 KHANGTHU 20:21

Mipite kiang ah thu a gen zaw phatin, nibîk poimaw ah a kithuamna ding uh a siampiakte chu kithuam ah, Lalpa pâkna La sa ding ah a la guatdawsate chu hung kipan in; “Aw, Lalpa kiang ah kipak thu gen un, a ngilneina chun kumtuang a dai ngâlah,” ti’n sepaite âng ah chun a chiau a.

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

2 KHANGTHU 7:6

Thiampute chu a mun ding chiat un a ding un; Levite chunle Lalpa ma ah a thil githei tum dingteu chu a chawi chiat ua. Lengpa David in Lalpa choihoina dingah: “A ngilneina chun kumtuang a dai hi,” ti ah La a la guanggal dungzui in, amau tawh kimai ngat tua in, thiampute chun pengkul a hun mut tauah; ziaphatchun, Israel mipi zosia le a dingdok chiat tau hi.

SAM 105:1

Aw Lalpa kiang ah kipak thu gen unla, a min chu ko tau in; namtin lak ah a thilbawlte hiatsak un.

SAM 119:68

Nang vang la pha hen, thilpha ngen la bawl hi; la thuguatte chu ei hil ta’n.

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.