SAM 13:3 - PATHIAN LEKHABU THIANGTHO (BSI)

³ Aw Lalpa, ka Pathian! Ngaitua inla, ei dawnhu tiam in. Ka mit ei hi’vâk piak in, achutiloleh, a thisate i-mut in ipmu kha’ng ka tin,

SAM 13:3 Referans Kwoze

EZRA 9:8

Tu’hin vang, ka Pathian un ka mitteu ei sukvak piak ah, ka saltânnau ah kipat halthakna neukhat ka neitheina ding un, tu’hin hun chomkhat sung â dingin Lalpa ka Pathian uh doisakna a hung kilang ah; tichun, a suakcha ding leh nutsia ah um nalai dingte bang ei umsak nalai hi.

SAM 18:28

Ka thaumei ei detpiak chu nangma la hi; Lalpa ka Pathian in keima ah thimna ei hi’vâk piak tai.

JEREMIAH 51:39

A hung kichawphul phat ua leh, a dawn ding uh pia’ng ka tin, khawmu khawchang helo ah a lim hialna ding un, dawn khamsak ing ka tin, hung khanglo kit talo ah, kumkhua a i-mut den hialna ding un, Lalpa‘n a tii.

SAM 5:1

Aw Lalpa, ka thute hi a la ngai inla, ka thûmna ngaisak ta’n.

1 SAMUEL 14:29

Jonathan in, “Ka pa hin gam a subuai ngei; en tau chu khuaizu neucha ka vak nêk leh ka mit hâ nuam deu mai ei ve.

1 SAMUEL 14:27

Himaleh, Jonathan in sepaite kiang ah a pa thupiak lam chu a la he’kha pua’n; tichun, a mol choi chun khuaiphâng a dawt ah, a mong langkhat chu a khutdaw in a kam tawh a situa ah; tichun, a mit a hung hat deu tai.

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

KÂ LATE 5:1

Aw Lalpa, ka thil tuakteu hi hezing inla, ka mualphonau hi ei hun etthâk piak ta’n!

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

SAM 119:153

Ka genthei dan hi ngaitua inla, ei hukhing ta’n; la dan chu ka hemil ngai paw’ngal a.

SAM 31:7

La ngilneina ziakin hun chawihoi in lim ing ka, ka lungjinna la mu tak ziakin, ka mêlmate ah kipat lei ngaisak ta ahi.

SAM 25:19

Ei do-te tam dan hi ngaitua in, bang gual bep ah ei hua a hitau em?

SAM 9:13

Aw Lalpa, ei lungsiat in. Ei mudate ei hi’genthei dan hi hia’n ei hepi inla; nang chu thi’na kotkhak ah kipat ei kaidokpa la hi’n;

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.

LUKA 2:32

vâk, Jentelte salvâk ding leh, la mi Israelte lopina ding chu,” a tia.