SAM 13:2 - PATHIAN LEKHABU THIANGTHO (BSI)

² Bang chan lungthim natna pu nalai a, nitum ah lungjing tak ah um nalai ding ka hem? Ka mêlmate ka chung ah bang chan, kichawisâng nalai ding a hiu em?

SAM 13:2 Referans Kwoze

JEREMIAH 8:18

Ka limna’n ei taisan ta’n, lungngaina’n ei chûm tai; ka lungthim a na tai.

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

KÂ LATE 1:5

A gâlteu chu a hotuu a hung hiu a, a mêl huatteu chu a lawting tau hi; a gitlonau nasat bêk ziakin, Lalpa‘n a thoksak ta’n; a chateu chu a gâlteu âng in, sal ah pui in a um zo tau hi.

THUGENTU 5:17

Zia mai chule hilo in, a damsung siau nasa tak ah lung awilo’na tawh, natna tawh, lungnatna tawh thim lak in an a neu a.

THUPILTE 15:13

Lungthim kipakna’n maisua a hi tai a, lungthim ah lungngaina chun thagau a hi’thasia sek hi.

JOB LEKHABU 10:15

A la bawl khial ka hileh vang, ka chung a gik hi! a dik hi lengle, mualphona dim leh ka thokgimna bep, buaipi ka hiziak in, kiletsak tak in ka mâi, thal put ziang diak lo ding ka hi.

PHILIPPI 2:27

Thi tavang hial in a damlo ngei hi. Himaleh, Pathian a chung in a jangai ah; ahi, ama chung bep ah hilo in keima chung inle, lungngaina chung ah ka lungngai sawn lona dingin.

ROMTE 9:2

Ka lunggil sung ah hin lungngaina leh lunggimna bei theilo ka nei zing hi.

JOHAN 16:6

Himaleh, zia thute chu la kiang ua ka gen ziak hin, la lungthim uh lungngaina’n a dim zo tai.

MATTHAI 26:38

Chuleh, a kiang un, ka lung a gim ma ma ziang hen, thina khop hial a hi; zia tak ah hin a la um unla, ei la vênpiu in, a tia.

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

SAM 74:18

Aw Lalpa, mêlma’n a hun simmawnau leh, pathian ngaisaklote hun gensiatnate hi hezing in.

SAM 74:10

Aw Pathian, mêlmate chun, bang chan a hem ei nuisan ding uh? Mêlma chun kumkhua’n la min, hun samsia ding a hiu em?

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

SAM 31:18

Muk zuauthei kisathei tak leh, engsia tak ah mi diktatte gensete chu, thip bek in um tau hen.

SAM 17:9

mi nunsia ei chomnâm gawte leh, ka mêlma ei ûm kîmvêlte lak ah kipat hin.

SAM 10:18

nauchagate leh tawden ah umte â dingin, dik tak in bawl piak ding la hi’n; tichun, lei ah hin mite’n thil tizat um bawl ta pua’n au.

SAM 9:6

Mêlmate chu kumtuang siatna’n a mangthai tau a; a khawpiteu la chomnâm ta’n; amau hetzingna a mangthai tai.

SAM 8:2

Mêlma leh phuba late sukdaina ding leh, a hun do-te ziakin nausente leh, nawichep nalaite kam ah kipat in hâtna la hi’det hi.

SAM 7:2

achutiloleh, sakeibaknei gual in, ei puaitel ziang kha’n au; ei hukdok ding umlo ah ei kaimang ding ahi ngal un.

ESTHER 7:6

Esther in, “Ka kilanpiu leh ka mêlmapau chu zia migilo Haman hi ahi!” ti’n a hun dawnhu a. Ziaphatchun, Lengpa leh Lengnu âng ah chun lau in a kithing ta.

NEHEMIAH 2:2

Ziaphatchun, lengpa’n ka kiang in, “Bang ding ah lungngai mêl pu la hem, damlo le la hi sam pua’n? La lungngai ziak ahi,” ei tia. Ziaphatchun, ka lau ta ma ma ziang a.

1 SAMUEL 24:19

Zia gual chun min a mêlma sikha leh, kua a hem dam tak ah tha’suak kit ding? Tu’ni ka chung ah la thilbawl phat ziak hin, Lalpa‘n phatna’n hun vuk ta hen.

1 SAMUEL 18:29

Saul chun David chu a lau zaw sêm ah, tichun, zia hun ah kipat chun Saul chu David mêlma a hung hi tai.

LUKA 22:53

Nisi’n ah tempul sung ah ka um sek lai khan la lei man puau a; himaleh, tu’hi nanghaw leh thim thilhitheina hun chu ahi,” a tia.

JEREMIAH 45:3

Nang in, “Ka chung a gik na e! Lalpa‘n ka natna’n lungngaina ei belap piak ah; ka thûm leh mauna hi ka chaupi in, chawldamna ka mu zo puai,” la ti hen.

SAM 38:17

Ka pûk vang vang in, ka natna’n le ei nusia ngai puai.

SAM 6:4

Aw Lalpa, hung kihei inla, ka hinna hukhing inla, la ngilneina ziakin ei hukdok ta’n.

KÂ LATE 5:20

Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?