SAM 118:6 - PATHIAN LEKHABU THIANGTHO (BSI)

⁶ Lalpa kei lam ah pang ahi, lau pua’ng ka. Mihing in bang ei law thei ding a hiu em?

SAM 118:6 Referans Kwoze

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

SAM 56:4

A thu ka pâkchat zing Pathian ah chun, lau lo in kinga’ng ka, mihing in bang ei law thei ding a hem?

SAM 56:11

Pathian ka ging hi, ka lau puai, Mihing mai mai in bang ei law thei ding a hem?

SAM 56:9

Ka hun ko phat leh ei do-te chu taijak ta’n au. Pathian in ei panpi hi ti ka hia’i.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

SAM 23:4

Thi’na lîm guam thim pen hawtheng ziang malengle, thil phalo him him lau pua’ng ka; nang ka kiang in la um ngal ah; la khetbûk leh la tiang in lei thamuan hi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 146:5

Jakob Pathian in a panpite chu mi hampha a hiu; Lalpa a Pathian ua kinepna nei mite ngei chu;

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

1 SAMUEL 17:11

Saul tawh Israelte zosia’n Philistin mipa thugen chu a het phat un, a lungdong un, a lau ma ma ziang tau a.

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.

SAM 56:5

Nitum in ka siatna ding a hawl sek un; a ngaituanau zosia le ka siatna ding ngen ahi.

SAM 56:10

Pathian ah chun a thu pâk ing ka tin, Lalpa ah chun, a thu ka pâk hi;

SAM 56:12

Aw Pathian, la kiang ah ka thutiamte chu, mualsua ngei ngei ing ka; kipak thu genna thillat, la kiang ah hun pia’ng ka.

SAM 94:16

Kua a hem ka thasâng ah mi nunsiate, do ding ah kipan ding? Kua a hem ka thasâng ah thil phalo bawlte, do ding ah ding ngam?

SAM 112:8

A thinlung uh a det ah, lau him him pua’n au; a tawp leh a mêlmateu chung ah zaw’na hun mu’n au.